Temur Kapadze: Muxlislarning qo‘llab-quvvatlashini his qilib turdik
O‘zbekiston U-23 terma jamoasi bosh murabbiyi Temur Kapadze U-23 Osiyo Kubogi—2022 yarim finali Yaponiya ustidan qozonilgan g‘alabadan so‘ng matbuot anjumanida ishtirok etdi.
O‘yin haqidaO‘zbekiston U-23 terma jamoasi finalda Saudiya Arabistoni terma jamoasi bilan to‘qnash keladi.Qiyin uchrashuv bo‘ldi, yaxshi tayyorgarlik ko‘rdik, Yaponiya kuchli jamoa. Bolalar bugun iroda va matonat ko‘rsatib, raqibga imkoniyat qoldirmadi.
Muxlislar bizni maydon tashqarisidan turib ham qo‘llab turdi. Ularni qo‘llab-quvvatlashini his qilib turdik. Turnir boshidan bolalarga futbol muxlislari bizga bosim bermasligini, ulardan kuch olishimizni aytib keldim.
Ikkinchi bo‘lim haqida
Bunaqa o‘yinlarda 1-2 ta vaziyat natijani hal qilib ketadi. Yaponiyada imkoniyat bo‘ldi. Biz foydalanib ketdik. Yaponiyani o‘rganib chiqqandik. Jasur ham ajoyib gol urdi. Bundan tashqari bizda yana ko‘plab vaziyatlar bo‘ldi.
Iroqqa qarshi o‘yindan kerakli xulosalar chiqardik. Bu kabi xatolarni takrorlamasligimiz kerak.
Birinchi navbatda finalda o‘ynashimizdan xursandmiz. Oldimizga katta maqsad qo‘yganmiz. Saudiya Arabistonini ham yaxshi bilamiz, kuchli jamoa.
Biz ham final o‘yinida natijaga erishishga, xalqimizni xursand qilishga harakat qilamiz.
Jarohatlar haqida
O‘yin murakkab bo‘ldi, tiklanish jarayonini jadallashtiramiz. Bizda vaqt oz. Nasib bo‘lsa, finalgacha tayyor bo‘lamiz.
