O‘zbekistonda diniy ta’lim muassasalari uchun qabul sanasi va talab etiladigan hujjatlar ro‘yxati e’lon qilindi

O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2022/2023-o‘quv yili uchun abituriyentlarning hujjatlari oflayn shaklda ta’lim muassasasi qabul hay’ati tomonidan qabul qilinadi. Bu haqda idora axborot xizmati xabar qildi.

Qayd etilishicha, hujjatlar o‘rta maxsus islom ta’lim muassasalarida 2022-yil 20-iyundan 10-iyulgacha (shu kuni ham soat 18:00 gacha) qabul qilinadi. Talab qilinadigan hujjatlar:

• ta’lim muassasasi rahbari nomiga ariza;
• pasport yoki ID karta nusxasi (asli ko‘rsatiladi);
• ma’lumoti to‘g‘risida attestat yoki diplom (asl nusxasi);
• 3,5x4,5 hajmdagi 6 dona rangli fotosurat (oxirgi uch oyda olingan va orqa foni oq rangda bo‘lishi kerak);
• chet tili bilishi to‘g‘risidagi sertifikat (ma’lumoti to‘g‘risidagi hujjatda ko‘rsatilgan chet tilidan boshqa xorijiy til bo‘yicha test topshiruvchilar uchun) asl nusxasi.

• ta’lim muassasasi rektori nomiga ariza;
• pasport yoki ID karta nusxasi (asli ko‘rsatiladi);
• o‘rta maxsus islom ta’lim muassasasini tamomlagani to‘g‘risidagi hujjat (diplom) asl nusxasi;
• 3,5x4,5 hajmdagi 6 dona rangli fotosurat (so‘nggi uch oyda olingan hamda orqa foni oq rangda bo‘lishi talab etiladi);
• “Yagona olimpiada” tanlovi diplomi (tanlovda 1-, 2- va 3-o‘rinni egallagan ishtirokchilar uchun).