Qozog‘iston rasmiylari va boshqa shaxslarning xorijda 666 ta ko‘chmas mulk obyekti borligi aniqlandi. Mamlakatning Davlat daromadlari qo‘mitasi LS nashriga ular qaysi davlatlarda joylashganini ma’lum qildi.
Ro‘yxatga davlat xizmatchilari, davlat funksiyalarini bajaruvchi vakolatli shaxslar, ularga tenglashtirilganlar va ularning turmush o‘rtoqlari kiradi.
Qozog‘iston Davlat daromadlari qo‘mitasi ma’lumotlariga ko‘ra, 494 nafar rasmiy shaxslardan 26 ta xorijiy davlatdagi 666 ta mulk ro‘yxatga olingan.
Eng ko‘p ko‘chmas mulklar Rossiyada joylashgan — 436. Keyingi o‘rinlarda BAA — 44, Turkiya — 38, Ispaniya — 24, Angliya va Bolgariya — 20 ta ko‘rsatkich bilan egallagan.
Qozog‘istonlik davlat xodimlarining O‘zbekistonda 12 ta ko‘chmas mulklari ro‘yxatga olingan, Gruziya va Qirg‘izistonda bu ko‘rsatkich mos ravishda 9 ta va 8 ta.
Qozog‘iston Davlat daromadlari qo‘mitasining aniqlik kiritishicha, xorijda ko‘chmas mulki va avtomobillari bo‘lgan qozog‘istonliklar ular uchun o‘z mamlakati byudjetiga soliq to‘lovchi emas.
Izoh (0)