Термиз шаҳрида автосалон собиқ ходимининг кирдикорлари фош бўлди, дея хабар қилмоқда Иқтисодий жиноятларга қарши курашиш департаменти.
Бош прокуратура ҳузуридаги департаментнинг Термиз шаҳар бўлими томонидан тадбиркорлик субъектининг ҳуқуқларини ҳимоя қилиш юзасидан «Auto-C» МЧЖ Сурхондарё вилояти филиалининг мурожаатига асосан ўтказилган терговга қадар текширувда, фуқаро Ш.Д. (аёл) ушбу МЧЖда Call-центр оператори вазифасида ишлаган даврида, МЧЖ муҳрига эгалик қилиб, тадбиркорлар М.А. ва Э.П.га Damas ва Cobalt харид қилиш учун қалбаки шартномалар расмийлаштириб берган.
Уларнинг жами 226,6 миллион сўмини қўлга киритиб, ўзининг шахсий эҳтиёжлари учун ишлатиб юборгани аниқланган, текширув давомида етказилган зарарнинг 5 миллион сўми қопланиши таъминланган.
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкент вилоятида автокредит учун тўланган 1,6 млрд сўмни ноқонуний ўзлаштирган шахс қўлга олинди
- Бухорода тадбиркорларни алдаб, 51 минг доллар пулни қўлга киритган шахс ушланди
- Андижонда газ қувурини юқори босимли тармоққа улаб бериш учун 3,5 минг доллар олган газ таъминоти корхонаси ходимлари ушланди
Изоҳ (0)