O‘zbekistonda 5 oyda 50 yoshdan oshganlar o‘rtasida 662 ta nikoh holati qayd etildi

O‘zbekistonda 1-iyun holatiga FHDY organlari tomonidan respublika bo‘yicha 90 543 ta nikohlar qayd etilgan. Bu haqda Adliya vazirligi xabar qildi.

Qayd etilishicha, bu ko‘rsatkich o‘tgan yilning mos davri bilan solishtirilganda 6 373 taga kam.

Er va xotin 30 yoshgacha bo‘lganlar o‘rtasida 71 817 ta, 50 yoshdan oshganlar o‘rtasida 662 ta nikoh shartnomasi tuzilgan.

Hududlar kesimida:

• 30 yoshgacha bo‘lganlar o‘rtasida Samarqand viloyati eng yuqori ko‘rsatkichni qayd etgan;
• 50 yoshdan oshganlar o‘rtasida Toshkent shahar eng yuqori ko‘rsatkichni qayd etgan.

Eslatib o‘tamiz, O‘zbekistonda 2022-yil 1-yanvar holatiga ko‘ra, doimiy aholi soni 35 271,3 ming kishini tashkil etib, 2021-yil 1-yanvarga nisbatan 712,4 ming kishiga yoki 2,1 foizga ko‘paygan. 2021-yilda O‘zbekiston bo‘yicha 305 082 ta nikoh, 39 227 ta nikohdan ajralish holatlari qayd etilgan.