O‘zbekistonda 2022-yilning to‘rt oyida qancha oila ajrashgani ma’lum bo‘ldi

O‘zbekistonda 2022-yilning yanvar—aprel oylarida oylarida respublika bo‘yicha 16 256 ta ajralish holatlari qayd etilgan. Bu haqda Davlat statistika qo‘mitasi xabar berdi.

O‘tgan davr mobaynida eng ko‘p ajralishlar soni Toshkent shahrida qayd etilgan — 1982 ta. Undan keyingi o‘rinlarni Samarqand (1736 ta) va Toshkent (1700 ta) viloyatlari egallagan.

2022-yilning to‘rt oyida hududlar kesimida qayd etilgan ajralishlar soni:

• Qoraqalpog‘iston Respublikasi – 729 ta;
• Andijon viloyati – 1658 ta;
• Buxoro viloyati – 923 ta;
• Jizzax viloyati – 559 ta;
• Qashqadaryo viloyati – 1342 ta;
• Navoiy viloyati – 465 ta;
• Samarqand viloyati – 1736 ta;
• Surxondaryo viloyati – 908 ta;
• Sirdaryo viloyati – 580 ta;
• Toshkent viloyati – 1700 ta;
• Farg‘ona viloyati – 1628 ta;
• Xorazm viloyati – 642 ta;
• Toshkent shahri – 1982 ta.

Eslatib o‘tamiz, 2022-yilning 1-aprel holatiga ko‘ra O‘zbekistonning doimiy aholisi 35 million 433 ming 772 kishini tashkil etdi. Doimiy aholining 17 607 934 nafari ayollar, 17 825 838 nafari erkaklardir. 1 kilometr kvadrat yer maydoniga o‘rtacha 78,9 nafar doimiy aholi soni to‘g‘ri keladi.