O‘zbekistonda 2022-yilning yanvar—may oylaridagi holatga ko‘ra, 16 yoshgacha bolalari mavjud bo‘lgan uy xo‘jaliklar (oilalar) 75,3 foizni tashkil etdi. Bu haqda uy xo‘jaliklari tanlama kuzatuvlari ma’lumotlariga asosan Davlat statistika qo‘mitasi ma’lum qildi.

Shundan:

• bir bolalilar — 23,3 foiz;
• ikki bolalilar — 26,3 foiz;
• uch bolalilar — 18,3 foiz;
• to‘rt va undan ko‘p bolalilar — 7,4 foiz.

Kuzatuv natijalariga ko‘ra, 24,7 foiz uy xo‘jaliklarida 16 yoshgacha bo‘lgan bolalar mavjud emas.

2022-yilning 1-aprel holatiga ko‘ra O‘zbekistonning doimiy aholisi 35 million 433 ming 772 kishini tashkil etgandi. Doimiy aholining 17 607 934 nafari ayollar, 17 825 838 nafari erkaklardir. Shuningdek, mamlakatda doimiy aholining o‘rtacha umr ko‘rish davomiyligi 73,8 yoshni tashkil etmoqda.

Avvalroq Davlat statistika qo‘mitasi O‘zbekistonda 14 yoshgacha bo‘lgan bolalar soni qanchani tashkil etishi to‘g‘risida ma’lumot bergandi.