Jahon banki O‘zbekistonga hukumatning moliya sektorini isloh qilish bo‘yicha loyihani moliyalashtiradigan 15 mln dollarlik imtiyozli kredit beradi. Bu haqda bank matbuot xizmati xabar berdi.
Bu orqali davlat banklarini tarkibiy o‘zgartirish va xususiylashtirish, tabiiy ofatlarga moliyaviy tayyorgarlikni kuchaytirish, mahalliy korxonalar uchun eksport va savdoni moliyalashtirish amalga oshiriladi.
Mamlakat bozor iqtisodiyotiga o‘tayotgan bir paytda bank va sug‘urta sohalari bir qator jiddiy va o‘zaro bog‘liq muammolarga duch kelmoqda.
Bank sektori 33 ta bankdan iborat bo‘lib, 12 ta davlat-tijorat banklari (DTB) ustunlik qiladi, ular 2021-yil yakuniga ko‘ra iqtisodiyotga ajratilgan kreditlarning 86 foizini tashkil qilgan.
2018-yildan so‘ng xususiy sektor kreditlarning tez o‘sishi tufayli moliyalashtirish imkoniyatlarini yaxshilashdan foyda ko‘rgan.
Biroq banklar innovatsion jihatdan cheklangani sababli kichik va o‘rta korxonalar hali ham moliyaviy mahsulotlarning tegishli assortimenti va sifatiga ega emas.
Mamlakat mahalliy va eksportchi firmalarni moliyalashtirish, kafolatlar va sug‘urta qo‘llab-quvvatlashini ta’minlaydigan Taraqqiyot bankini tashkil etishga qaror qildi.
Loyiha Moliya vazirligi tomonidan amalga oshiriladi, unga DTBlarni tarkibiy o‘zgartirish va xususiylashtirishga rahbarlik qilish vazifasi yuklanadi.
Bank, sug‘urta, eksport va tabiiy ofatlar xavfini moliyalashtirish sohasidagi islohotlar moliyaviy xizmatlar samaradorligini oshirishga imkon beradi, — dedi Jahon bankining O‘zbekistondagi vakolatxonasi rahbari Marko Mantovanelli.Unga ko‘ra, yangi loyiha 2020—2025-yillarda bank sektorini isloh qilish strategiyasini amalga oshirishga xizmat qiladi.
Bu davlatning DTBlarda bevosita ishtirokini kamaytirishga va xususiy sektor banklari tomonidan boshqariladigan yanada samarali, inklyuziv va raqobatbardosh bank tizimini qurishga yordam beradi.
Avvalroq O‘zbekiston banklarida muammoli kreditlar keskin ko‘paygani haqida xabar berilgan edi.
Izoh (0)