Davlat statistika qo‘mitasi O‘zbekiston viloyatlari markaziy hududlari kesimida 2022-yilning may oyida tayyor palovning o‘rtacha narxlariga oid ma’lumotlarni e’lon qildi.
Ma’lum qilinishicha, eng qimmat palov Toshkent shahrida sotilgan bo‘lib, bir porsiyasi 25 750 so‘m bo‘lgan. Undan keyingi o‘rinlardan Buxoro (21 333 so‘m), Toshkent (21 000 so‘mdan) viloyatlari joy olgan. Eng arzon osh esa Namangan viloyatida — bir porsiyasi 15 000 so‘mdan sotilgan.
Bir porsiya oshning o‘rtacha narxi quyidagicha:
- Qoraqalpog‘iston Respublikasi – 18 000 so‘m (1 kilosi 126 ming so‘m);
- Andijon viloyati – 19 000 so‘m (1 kilosi 133 ming so‘m);
- Buxoro viloyati – 21 333 so‘m (1 kilosi 149,33 ming so‘m);
- Jizzax viloyati –19 667 so‘m (1 kilosi 137,7 ming so‘m);
- Qashqadaryo viloyati – 20 250 so‘m (1 kilosi 141,75 ming so‘m);
- Navoiy viloyati – 18 000 so‘m (1 kilosi 126 ming so‘m);
- Namangan viloyati – 15 000 so‘m (1 kilosi 105 ming so‘m);
- Samarqand viloyati – 20 333 so‘m (1 kilosi 142,33 ming so‘m);
- Surxondaryo viloyati – 19 600 so‘m (1 kilosi 137,2 ming so‘m);
- Sirdaryo viloyati – 17 333 so‘m (1 kilosi 121,33 ming so‘m);
- Toshkent viloyati – 21 000 so‘m (1 kilosi 147 ming so‘m);
- Farg‘ona viloyati – 18 825 so‘m (1 kilosi 127,75 ming so‘m);
- Xorazm viloyati – 19 600 so‘m (1 kilosi 137,2 ming so‘m);
- Toshkent shahri – 25 750 so‘m (1 kilosi 180,25 ming so‘m).
Eslatib o‘tamiz, O‘zbekistonda eng ommaviy taom — “Palov indeksi” ma’lumotlarini shakllantirish 2020-yilning yanvaridan joriy etilgan. Ushbu ma’lumotlarni shakllantirishda Respublikaning barcha hududlarida 1 kilogramm palov tayyorlash uchun sarflanadigan masalliqlar miqdori o‘rganib chiqiladi. Shunga ko‘ra, umumiy ovqatlanish muassasalarida bir porsiya palovning o‘rtacha narxi belgilanadi.
Izoh (0)