“Nottingem Forest” Angliya Premyer Ligasining 2022/23-yilgi mavsumiga yo‘llanma oldi.
Stiv Kuper qo‘l ostidagi jamoa APLga chiqish yo‘lidagi pley-off finalida “Haddersfild”ni mag‘lubiyatga uchratdi (1:0).
Shu tariqa “Forest” 1999-yildan beri ilk bor Premyer Ligada o‘ynaydigan bo‘ldi. Avvalroq “Fulhem” va “Bornmut” APL yo‘llanmasiga ega chiqqandi. “Byornli”, “Uotford”, “Norvich” esa 2021/22-yilgi mavsum yakunlariga ko‘ra, Chempionshipga ravona bo‘lgan.
1865-yilda tashkil etilgan “Nottingem Forest” klubi Angliyaning 1977/78-yilgi mavsumi chempioni hisoblanadi. Shuningdek, jamoa ikki marta Yevropa Chempionlar Kubogida (1979, 1980) bosh sovrinni qo‘lga kiritgan. 1998/99-yilgi mavsumdan keyin APLni tark etgan “o‘rmonchilar” uzoq vaqt davomida Chempionship va hatto uchinchi divizionda ham yurdi.
Izoh (0)