Dunyoning eng boy 50 kishisi bu yil yarim trillion dollardan ko‘proq mablag‘ yo‘qotdi. Bu haqda The Wall Streyet Journal xabar bermoqda.
Ushbu raqamlar Shvetsiya yalpi ichki mahsulotidan oshib ketadi va S&P 500 reytingida oltita kompaniyadan tashqari barchasining bozor sarmoyasidan kattaroqdir.
Bloomberg milliarderlar indeksi, eng badavlat odamlarning har kuni yangilanadigan reytingiga ko‘ra, Ilon Mask, Jeff Bezos, Bill Geyts va Uorren Baffetni o‘z ichiga olgan 50 ta eng boy odamlarning umumiy boyligi 22-maygacha 563 mlrd dollarni yo‘qotdi. Bu pasayish fond bozori pandemiya boshlanganidan beri birinchi marta yuz berdi.
Dunyoning eng boy odami va Tesla kompaniyasining ijrochi direktori Mask hozirda 201 mlrd dollar boylikka ega. U joriy yilning shu davriga qadar 69,1 mlrd dollar yo‘qotdi.
Amazon asoschisi Jeff Bezosning boyligi 61,1 mlrd dollarga kamaydi va Fransiyaning eng badavlat odami Louis Vuitton bosh ijrochi direktori Bernard Arnoning boyligi 55,2 mlrd dollarga qisqardi. Jef Bezosning boyligi hali ham 131 mlrd dollar, Arnoning boyligi esa 123 mlrd dollar.
Microsoft asoschilaridan biri Bill Geyts hozirda 116 mlrd dollar boylikka ega, ammo u bu yil 21,7 mlrd dollarni yo‘qotdi.
Berkshire Hathaway kompaniyasining egasi Uorren Baffet 110 mlrd dollar boyligi bilan kuchli beshlikni yakunlaydi. Undan boyroq to‘rt kishidan farqli o‘laroq, uning boyligi bu yil 1,2 mlrd dollarga oshgan.
Bloomberg Billionaires Index shaxsiy boylikni bozorlar, iqtisod va boshqa hisobotlardagi o‘zgarishlar asosida o‘lchaydi.
Avvalroq xalqaro xayriya tashkiloti Oxfam ma’lumotlariga ko‘ra, pandemiya davrida dunyoda har 30 soatda yangi milliarder paydo bo‘lgani haqida xabar berilgan edi.
Izoh (0)