Bugun,

  • USD 11095.31
  • RUB 173.84
  • EUR 10772.44

Jinoyat ishlari bo‘yicha Muborak tuman sudida kreditga avtomobil olib berishni va’da qilib, 70 nafar fuqaroning 1,5 milliard so‘m mablag‘ini “yeb ketgan” fuqarolarga sud hukmi o‘qildi. Bu haqda “Daryo”ga sud raisi Alisher Qahhorov ma’lum qildi.

Ma’lum bo‘lishicha, sud ishi 2022-yilning 17-may kuni nihoyasiga yetgan.

Sud raisining ma’lumot berishicha, fuqarolar — T.Z. va A.Sh. uyushgan jinoiy guruh tashkil qilib, Toshkent shahrining Uchtepa tumanida “Lid car” MCHJ tashkil qilgan. Mazkur MCHJ nomidan fuqarolarga bir yildan uch yilgacha bo‘lgan muddatga 15 foizli kredit asosida avtomobil olib berishni va’da qilgan.

“Ular xaridorga sotib olmoqchi bo‘lgan avtomobili narxining 20 foizi va MCHJ xizmati uchun 1 million 900 ming so‘m miqdordagi to‘lovlarni amalga oshirishi kerakligi haqida aytib, evaziga O‘zbekistonda ishlab chiqarilayotgan Malibu, Lacetti, Nexia-3, Tracker, Cobalt, Damas, Labo va boshqa rusumli avtomashinalarni 90 ish kuni ichida olib berish majburiyatini olgan. Biroq aytilgan va’dalarni bajarmagan.

Jinoiy guruh a’zolari shu tariqa fuqarolar ishonchiga kirib, Toshkent shahrining Yunusobod tumanida, Qashqadaryo viloyatining Shahrisabz va Qarshi hamda Andijon shahrida “Lid car” MCHJ filiallarini tashkil qilib, “Avto kredit” nomli broshyuralar orqali 2020-yilning iyun oyidan 2021-yil mart oyi o‘rtalariga qadar fuqarolardan 16 million so‘mdan 60 million so‘mgacha mablag‘larni qabul qilib olgan”, — deydi sudya Alisher Qahhorov.

Qo‘shimcha qilinishicha, MCHJ vakillari pullarni xaridorlardan naqd shaklda qabul qilib olib, mablag‘larni MCHJ hisob raqamiga kirim qilmagan. Shu tarzda 70 nafar fuqaroning jami 1 milliard 561 million 634 ming 700 so‘m pul mablag‘larini aldash yo‘li bilan qo‘lga kiritgan.

Sud sudlanuvchilarni Jinoyat kodeksining 168-moddasi 4-qismi “a” (juda ko‘p miqdorda firibgarlik) hamda “v” (uyushgan guruh tomonidan yoki uning manfaatlarini ko‘zlab sodir etilgan firibgarlik) bandlari bilan aybli topib, T.Z.ga 10 yil muddatga, A.Sh.ga 9 yil muddatga ozodlikdan mahrum qilish jazosini tayinlagan.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi