Shavkat Mirziyoyev huzurida 11-may kuni o‘tkazilgan yig‘ilishda g‘alla qabul qilish punktlari sonini kamaytirish va keyingi yildan boshlab ularni xususiylashtirish chora-tadbirlari belgilandi. Bu haqda prezident matbuot kotibi xabar qildi.
“Hokimlar bir narsani aniq tushunib olishlari zarur. Bug‘doyning haqiqiy egasi bu — fermer va klasterlar. Shuning uchun bundan buyon tumanda reja bajarilmayapti, chorva, parranda yoki baliqchilikka ozuqa-yem kerak, degan vajlar bilan fermerlar g‘allasini olib qo‘yish qat’iyan taqiqlanadi.
Bundan tashqari, birja orqali sotilgan bug‘doyga hududlararo cheklov qo‘yilmaydi. Marhamat, qaysi hududdagi korxona birjada yutib olsa, hech qanday to‘siqlarsiz g‘allani olib ketishi mumkin”, — deydi prezident.
Bosh prokuror, viloyat, tuman va shahar prokurorlari bu masalani shaxsan nazoratiga olib, fermerni norozi qilgan rahbarlarga qat’iy choralar ko‘rib borishi kerakligi ko‘rsatib o‘tilgan.
Mavzuga doir:
- O‘zbekistonda 1-iyundan boshlab g‘allani davlat tomonidan sotib olish va sotishda bozor narxlariga o‘tiladi
- Shavkat Mirziyoyev raisligida o‘tayotgan yig‘ilishda davlat don korxonalarida talon-toroj qilish holatlari borligi tanqid qilindi
- “Narx-navo barqarorligini ta’minlashning yagona to‘g‘ri yo‘li — bu fermerlar manfaatdorligini ta’minlash” — Shavkat Mirziyoyev
Izoh (0)