“Oskar-2022” taqdirlash marosimida Uill Smit rafiqasiga nisbatan qilingan hazil uchun sahnaga chiqib, shou boshlovchisi Kris Rokning yuziga tarsaki tushirgani haqida xabar berilgandi. Ushbu voqeadan keyin aktyorning hayoti butunlay o‘zgarib ketdi, uning ishtirokidagi bir qancha loyihalar to‘xtatildi, aktyor Amerika kino akademiyasi a’zoligidan voz kechdi. Unga 10 yil davomida “Oskar” mukofoti topshirish marosimida va Amerika kino akademiyasi tomonidan o‘tkaziladigan boshqa tadbirlarda qatnashish taqiqlandi. Shundan so‘ng aktyor ruhiy salomatligi haqida qayg‘urishga qaror qildi, deb yozadi People Talk.
Ma’lum bo‘lishicha, Smit davolanish uchun Hindistonga ketgan. Entertoinment Tonight nashrining xabar berishicha, aktyor ruhiy salomatligini yaxshilashga qaror qilgan. Lekin Uill tomonidan ushbu ma’lumotga hali izoh berilmagan.
Eslatib o‘tamiz, aktyor Uill “Oskar-2022” taqdirlash marosimida autoimmun kasalligidan aziyat chekayotgan rafiqasi Jadaning soch turmagi bilan bog‘liq noo‘rin hazili tufayli qiziqchi Kris Rokka tarsaki tushirgan.
Izoh (0)