Jahon futbolida butun faoliyatini bir klub safida o‘tkazgan futbolchilar bilan bir qatorda mavsumiga jamoa almashtiradiganlar charm to‘p ustalari ham talaygina. Ammo yana shunday futbolchilar ham borki, ular faoliyatida davomida ma’lum bir klub sharafini himoya qilgani haqidagi ma’lumot bilan tanishilsa, kishida yengil hayratlanish hissi paydo bo‘ladi. Quyida ana shunday futbolchilar haqida so‘z yuritiladi.
Fabinyo — “Real”da. Ayni paytda “Liverpul” sharafini himoya qilayotgan yarim himoyachi 2012—2013-yillarda “qirollik klubi” futbolchisi hisoblangan.
Foto: Getty Images
Rikardu Kuarejma — “Barselona”da. Bir paytlar kelajagi porloq deya baholangan Kuarejma 2003—2004-yillarda “Barselona”da to‘p tepgan.
Foto: Getty Images
Yoxan Kroyff — “Levante”da. “Barselona” va Niderlandiya terma jamoasi afsonasi kataloniyaliklar safini tark etganidan keyin qisqa muddat (1981) davomida “Levante” safida harakat qilgan.
Foto: Getty Images
Klarens Zeedorf — “Sampdoriya”da. “Milan” afsonasi “Real”, “Inter” va “rossoneri”lar safiga kelguniga qadar Genuya klubi futbolchisi bo‘lgan.
Foto: Getty Images
Pyer-Emerik Obameyang — “Milan”da. “Borussiya D” va “Arsenal”da nimalarga qodirligini namoyish etgan “Barselona” hujumchisi 2008—2011-yillarda milanliklar sharafini himoya qilgan.
Foto: Getty Images
Samyuel Eto’O — “Real”da. Yarimta imkoniyatdan ham gol urib ketadigan “yirtqich” hujumchi faoliyatining dastlabki 3 yilini Madridning bosh jamoasida o‘tkazgan (1997—2000-yillar).
Foto: Getty Images
Xerard Pike — “Manchester Yunayted”da. “Barselona” akademiyasi tarbiyalanuvchisi bo‘lgan Pike 2004-yildan 2008-yilgacha “qizil iblislar” tarkibida harakat qilgan. Biroq jamoaning asosiy futbolchisiga aylana olmaydi va Kataloniyaga qaytib ketadi.
Foto: Getty Images
Jorjo Kyellini — “Fiorentina”da. 2005-yildan beri “Yuventus” mudofaasini hech kimga bermay kelayotgan Kyellini 2004-yilda binafsha-ranglilar safida to‘p tepgan.
Foto: Getty Images
Filippe Koutinyo — “Inter”da. “Vest Hem”da ijara asosida harakat qilayotgan braziliyalik Yevropadagi faoliyatini “Inter”da boshlagan (2008—2013-yillar).
Foto: Getty Images
Emmanuel Adebayor — “Real”da. Togolik futbolchi “Manchester Siti”da o‘ynagan kezlari yarim mavsumga (2011) “Real”ga ijaraga berilgandi.
Foto: Getty Images
Serj Gnabri — “Arsenal”da. “Bavariya” yarim himoyachisi professional faoliyatini 2012-yilda (2016-yilga u yerda harakat qilgan) “to‘pchilar” safida boshlagan.
Foto: Getty Images
Frenk Lempard — “Suonsi”da. “Chelsi” afsonasi “Vest Hem”da yurgan kezlari bir muddat (1995—1996) “Suonsi”da ijara asosida harakat qilgan.
Foto: Getty Images
Edgar Davids — “Tottenhem”da. “Pitbul” 2005—2007-yillarda “shporlar” safida to‘p surgan.
Foto: Getty Images
Harri Keyn — “Lester”da. “Tottenhem”ning ramziga aylangan Keyn 2013-yilda bir mavsum Chempionshipda o‘ynagan “tulkilar” sharafini himoya qilgan.
Foto: Getty Images
Dennis Bergkamp — “Inter”da. Professional faoliyatida 3 ta klub safida o‘ynagan Dennis “Ayaks” va “Arsenal”dan tashqari, 1993—1995-yillarda “Inter” safida to‘p surgan.
Foto: Getty Images
Aryen Robben — “Chelsi”da. Faoliyatining katta qismini “Bavariya”da o‘tkazgan Robben 2004—2007-yillarda “aristokrat” bo‘lgan.
Foto: “Chelsi”
Emre Jan — “Bavariya”da. “Borussiya D” himoyachisi Jan 2011-yilda professional faoliyatini myunxenliklar safida boshlagan.
Foto: Getty Images
Nikolya Anelka — “Arsenal”da. Ko‘proq Londonning boshqa klubidagi o‘yinlari bilan mashhur bo‘lgan fransuz o‘z vaqtida “kanonirlar” safida ham gollar urgan (1997—1999).
Foto: Getty Images
Pepe Reyna — “Barselona”da. Ispaniyalik mashhur darvozabon professional faoliyatini 1999-yilda “Kamp Nou”da boshlangan. 2002-yilda esa “Vilyarreal”ga ko‘chib o‘tgan.
Foto: Getty Images
Ektor Belyerin — “Uotford”da. Professional karyerasini “Arsenal”da boshlagan Ektor 2013—2014-yilda “Uotford”da ijara asosida harakat qilgan. Belyerin ayni paytda ham ijarada, u 2021-yildan buyon “Betis”da harakat qilmoqda.
Foto: Getty Images
