“Manchester Yunayted” APLning 35-turida “Brayton”ga yirik hisobda yengildi va 4-o‘rinni olish imkoniyatidan mahrum bo‘ldi.
Bu esa mankunianliklar 2022/23-yilgi mavsum Chempionlar Ligasida ishtirok eta olmasligini bildiradi. Jamoa hujumchisi Krishtianu Ronaldu o‘z faoliyatida ilk bor bir mavsum davomida nufuzli musobada ishtirok etmasligi mumkin.
Portugaliyalik hujumchi shu vaqtga qadar Chempionlar Ligasining asosiy qismida, yoki hech bo‘lmaganda saralash bosqichida ishtirok etgan (“Sporting” bilan 2002/03-yilgi mavsum).
Shu tariqa Ronaldu yozda yoki qishki transferlar oynasida Chempionlar Ligasida o‘ynash huquqiga ega bo‘lgan jamoa safiga o‘tmasa, uning YChL dagi uzluksiz seriyasiga yakun yasaladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)