Milliy mass-mediani qo‘llab quvvatlash va rivojlantirish jamoat fondida 25-aprel kuni BMTning inson huquqlari bo‘yicha Oliy komissari Mishel Bachelet bilan uchrashuv o‘tkazildi. Bu haqda fondning Vasiylik kengashi raisi Komil Allamjonov xabar qildi.
Qayd etilishicha, uchrashuvda Allamjonov O‘zbekistonda so‘z va matbuot erkinligining kechagi ahvoli, bugungi holati va ertangi kuni qanday bo‘lishi kerakligi haqidagi mulohazalarini bildirgan.
“Yillar davomida yopiq bo‘lgan matbuot Shavkat Mirziyoyevning siyosiy irodasi tufayli bugun ochilgani, bu yo‘lda qiyinchilik va muammolar hamon mavjud bo‘lsa-da, tanlangan yo‘l qat’iy ekanini yetkazdik”, — deydi u.
“Fondimiz mamlakatimizda ayollarni kamsitish holatlarini bartaraf etishga imkon qadar hissa qo‘shmoqda. Gender tengligi himoyasi esa milliy siyosat darajasiga ko‘tarilgan.
Umid qilamanki, ko‘zlagan ishlarimizni uddalaymiz. Biz oldinga yuryapmiz, hamkorlik ko‘priklarini o‘rnatyapmiz, sa’y-harakatlarimizni jahon miqyosida namoyish etyapmiz.
Bachelet xonimni katta mamnuniyat bilan O‘zbekistonga taklif qildim. Ko‘rsatishga, gapirib berishga arziydigan taraflarimiz ko‘p. Eng muhimi, maqsadga erishishga tayyorligimizni namoyish eta olamiz”, — deydi Saida Mirziyoyeva.
Muloqotda o‘zbek matbuotining rivoji, uning erkin faoliyat ko‘rsatishi, xorijning turli agressiv va zo‘ravonlikka asoslangan targ‘ibotlaridan himoyalanish uchun BMTning inson huquqlari bo‘yicha ofisi bilan yaqin hamkorlik muhim ekani ta’kidlangan va bu borada kelishuvga erishilgan.
Mavzuga doir:
- Komil Allamjonov Uzmetronom sayti asoschisi Sergey Yejkov ustidan arz qildi
- Komil Allamjonov Rasul Kusherbayevning davlat imtihon markazlari qarorga zid ravishda yopilgani bo‘yicha fikriga raddiya bildirdi
- Komil Allamjonov haydovchilik guvohnomasini olib berishni va’da qilayotgan firibgarlardan ogoh bo‘lishga chaqirdi
Izoh (0)