Миллий масс-медиани қўллаб қувватлаш ва ривожлантириш жамоат фондида 25 апрель куни БМТнинг инсон ҳуқуқлари бўйича Олий комиссари Мишел Бачелет билан учрашув ўтказилди. Бу ҳақда фонднинг Васийлик кенгаши раиси Комил Алламжонов хабар қилди.
Қайд этилишича, учрашувда Алламжонов Ўзбекистонда сўз ва матбуот эркинлигининг кечаги аҳволи, бугунги ҳолати ва эртанги куни қандай бўлиши кераклиги ҳақидаги мулоҳазаларини билдирган.
«Йиллар давомида ёпиқ бўлган матбуот Шавкат Мирзиёевнинг сиёсий иродаси туфайли бугун очилгани, бу йўлда қийинчилик ва муаммолар ҳамон мавжуд бўлса-да, танланган йўл қатъий эканини етказдик», — дейди у.
«Фондимиз мамлакатимизда аёлларни камситиш ҳолатларини бартараф этишга имкон қадар ҳисса қўшмоқда. Гендер тенглиги ҳимояси эса миллий сиёсат даражасига кўтарилган.
Умид қиламанки, кўзлаган ишларимизни уддалаймиз. Биз олдинга юряпмиз, ҳамкорлик кўприкларини ўрнатяпмиз, саъй-ҳаракатларимизни жаҳон миқёсида намойиш этяпмиз.
Бачелет хонимни катта мамнуният билан Ўзбекистонга таклиф қилдим. Кўрсатишга, гапириб беришга арзийдиган тарафларимиз кўп. Энг муҳими, мақсадга эришишга тайёрлигимизни намойиш эта оламиз», — дейди Саида Мирзиёева.
Мулоқотда ўзбек матбуотининг ривожи, унинг эркин фаолият кўрсатиши, хорижнинг турли агрессив ва зўравонликка асосланган тарғиботларидан ҳимояланиш учун БМТнинг инсон ҳуқуқлари бўйича офиси билан яқин ҳамкорлик муҳим экани таъкидланган ва бу борада келишувга эришилган.
Мавзуга доир:
- Комил Алламжонов Uzmetronom сайти асосчиси Сергей Ежков устидан арз қилди
- Комил Алламжонов Расул Кушербаевнинг давлат имтиҳон марказлари қарорга зид равишда ёпилгани бўйича фикрига раддия билдирди
- Комил Алламжонов ҳайдовчилик гувоҳномасини олиб беришни ваъда қилаётган фирибгарлардан огоҳ бўлишга чақирди
Изоҳ (0)