Toshkent shahri Sergeli tumanida tabiiy gaz ta’minoti to‘lovlarini o‘zlashtirgan MCHJ aniqlandi. Bu haqda Iqtisodiy jinoyatlarga qarshi kurashish qo‘mitasi xabar qildi.
Qayd etilishicha, Bosh prokuratura huzuridagi departamentning Sergeli tuman bo‘limi tomonidan tergovga qadar tekshiruv o‘tkazilgan. Unda aholiga P.S. MCHJ mas’ul shaxslari Paynet shoxobchasi orqali 88 nafar iste’molchi tomonidan tabiiy gaz ta’minoti uchun naqd va plastik kartalar orqali amalga oshirilgan to‘lovlarni talon-toroj qilgani aniqlangan. Ular fuqarolarning 129,3 million so‘m to‘lovlarini “Hududgaz Poytaxt” korxonasi hisob raqamiga o‘tkazmasdan, iste’molchilarning shaxsiy hisob varag‘ida aks ettirmasdan, o‘zlashtirgan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Farg‘ona va Namanganda o‘zgalar nomiga kredit rasmiylashtirgan shaxslarga jinoyat ishi ochildi
- Farg‘onada 4,3 mlrd so‘mni talon-toroj qilib, qimor o‘yinlariga tikib yuborgan kollej bosh hisobchisi qamoqqa olindi
- Qarshida sug‘urta polislarini sotishdan tushgan 119,7 mln so‘mni talon-toroj qilgan shaxsga jinoyat ishi qo‘zg‘atildi
Izoh (0)