Surxondaryo hokimining sobiq o‘rinbosari Mavluda Qobulova 2022-yilning 14-aprel kuni vafot etdi. Bu haqda “Daryo”ga AOKAning Surxondaryo viloyati boshqarmasi boshlig‘i Zahiriddin To‘rayev xabar berdi.
Ma’lum qilinishicha, marhuma 2005-yildan 2020-yilga qadar viloyat hokimi o‘rinbosari — viloyat xotin-qizlar qo‘mitasi raisi lavozimida ishlagan.
Mavluda Qobulova 1959-yilda Denov tumanida tug‘ilgan bo‘lib, mutaxassisligi bo‘yicha shifokor bo‘lgan.
U mehnat faoliyati davomida Mahalla va oilani qo‘llab-quvvatlash boshqarmasi boshlig‘ining birinchi o‘rinbosari, “Yuksalish” umummilliy harakati viloyat bo‘linmasi rahbari lavozimlarida ishlagan. Vafotiga qadar Xalq deputatlari Surxondaryo viloyati kengashi deputati bo‘lgan.
Izoh (0)