Futbol bo‘yicha Italiya A Seriyasining 31-turi doirasidagi bir qator uchrashuvlar 3-aprel, yakshanba kuni bo‘lib o‘tdi.
“Roma” safarda “Sampdoriya”ga qarshi bahs olib bordi. Uchrashuvning 24-daqiqasida Genrix Mxitaryan rimliklarni oldinga olib chiqdi. Mazkur gol bellashuvda yagonaligini saqlab qoldi.
O‘zbekistonlik hujumchi Eldor Shomurodov uchrashuvning 81-daqiqasida zaxiradan maydonga tushdi.
Mazkur g‘alaba orqali “Roma” ochkolarini 54 taga yetkazib oldi va 5-o‘ringa qaytdi. “Sampdoriya” 29 ochko bilan 16-pog‘onada bormoqda.
Turning yana bir muhim o‘yini Bergamoda kechdi. Unda “Napoli” “Atalanta” ustidan ishonchli g‘alabaga erishib, birinchi o‘ringa ko‘tarilib oldi.
A Seriya
31-tur bahslari
3-aprel, yakshanba
“Sampdoriya” — “Roma” 0:1
Gol: 0:1 – 27 Mxitaryan.“Sampdoriya”: Audero, Bereshinski, Kolli, Ferrari (Yoshida, 90+1), Murru (Aujello, 60), Rinkon (Ronaldu Viyeyra, 60), Kandreva, Sensi (Kualyarella, 46), Torsbyu (Trimboli, 73), Sabiri, Kaputo.
“Roma”: Ruy Patrisiu, Karsdorp, Smolling, Manchini, Rojer, Zalevski (Vinya, 81), Mxitaryan, Serjiu Oliveyra (Kumbulla, 90+3), Kristante, Pellegrini (Bove, 90+3), Abraham (Shomurodov, 81).
Ogohlantirishlar: Rojer (9), Bereshinski (46), Serjiu Oliveyra (48), Sabiri (71).
“Atalanta” — “Napoli” 1:3
Gollar: 0:1 – 14, penalti Insinye, 0:2 – 37 Politano, 1:2 – 58 de Ron, 1:3 – 81 Elmaz.“Atalanta”: Musso, Xatebur (Boga, 46), Palomino, Gimshiti (Mele, 63), Skalvini, Zappakosta, de Ron, Froyler (Pashalich, 83), Kopmeyners, Malinovskiy (Miranchuk, 46), Muriel (Sisse, 83).
“Napoli”: Ospina, Zanoli, Kulibali, Jezus, Mariu Ruy, Lobotka, Zelinski (Fabian Ruis, 70), Zambo-Angissa, Mertens (Malkyui, 88), Insinye (Losano, 69), Politano (Elmaz, 59).
Ogohlantirishlar: Palomino (35), Jezus (67), Ospina (76), Zambo-Angissa (84), de Ron (86).
Izoh (0)