“O‘zRTXB” AJ axborot xizmatining xabar qilishicha, Shakarning birjadagi narxi bir tonnasi uchun 10 101,3 ming so‘mdan 8 735,8 ming so‘mgacha pasaydi. Bu haqda “O‘zRTXB” AJ axborot xizmati xabar bermoqda.
2022-yil 24-martda O‘zbekiston respublika tovar-xomashyo birjasining ochiq birja savdolariga qo‘yilayotgan shakar hajmini sotuvchi korxonalar tomonidan qariyb 50 foizga oshirildi. Buning evaziga shakarning barcha kategoriyasi bo‘yicha shakllangan o‘rtacha kunlik narxi avvalgi savdo kuniga nisbatan mahsulotning bir tonnasi uchun 10 101,3 ming so‘mdan 8 735,8 ming so‘mgacha, ya’ni 14 foizga pasaydi.
So‘ngi ikki savdo kunlarida shakarning birjadagi narxi qariyb 30 foizga arzonlashgan.
Xorazm shakar zavodi xodimi O‘zbekiston Bosh prokuraturasi huzuridagi Iqtisodiy jinoyatlarga qarshi kurashish departamentiga bergan intervyusida tadbirkorlarni narxlar oshishida aybladi.
Birja savdolari orqali uzluksiz ravishda shakar mahsulotini yetkazib turibmiz. Lekin bu shakar mahsulotini ba’zi bir vahimaga tushib qolgan tadbirkorlarimiz talabdan ko‘ra ko‘p miqdorda olishi natijasida narx sun’iy ravishda oshib ketdi. Bunga asos yo‘q, — dedi u.Korxona vakili xorij davlatlaridan sodir bo‘layotgan jarayonlar O‘zbekistonda shakar ishlab chiqarishga ta’sir ko‘rsatmasligini ta’kidladi.
Shakarning birjadagi narxining pasayishiga bozor vositalarini qo‘llanilishi, jumladan, birjaning shakar segmentida taklif darajasini oshirilishi hisobiga erishildi.
Xususan, 24-martda birja savdolariga jami 3 200 tonna shakar qo‘yilgan bo‘lib, ulardan 2874 tonnasi, ya’ni 90 foizi sotildi. Bunda, birja savdolari orqali “Xorazm shakar” MCHJ tomonidan 1 600 tonna va “Angren shakar” MCHJ tomonidan 1 274 tonna shakar sotildi.
Avvalroq Ukraina mamlakat hududida shakar eksportini taqiqlagani haqida xabar berilgan edi. Yaqin kunlarda xuddi shunday qaror Rossiya tomonidan ham qabul qilinadi. Bundan keyin birjada shakar narxlari qimmatlashdi.
Izoh (0)