Европа тикланиш ва тараққиёт банки президенти Одил Рено-Бассо 24—26 март кунлари Тошкентда ўтказиладиган Халқаро инвестиция форумидан нималарни кутаётгани тўғрисидаги фикрлари билан бўлишди.
Рено-Бассо икки кунлик таширифи давомида Ўзбекистоннинг юқори раҳбарияти, хусусан, президент Шавкат Мирзиёев, бош вазири ўринбосари Жамшид Қўчқоров ва энергетика вазири Алишер Султонов билан учрашади.
22 март куни бош вазири ўринбосари — инвестициялар ва ташқи савдо вазири Сардор Умурзовов ҳамда Одил Рено-Бассо ўртасида учрашув бўлиб ўтди. Учрашув кун тартибида EТТБ фаолиятини Ўзбекистон ҳудудларида кенгайтириш, жумладан, ҳудудлар иқтисодий хусусияти ва салоҳиятидан келиб чиқиб, 3 та манзилли инфратузилма ва саноатни ривожлантириш режаси ишлаб чиқиш тўғрисида келишувга эришилган. Бунда танланган лойиҳаларни амалга ошириш учун EТТБ томонидан молиявий ва техник ёрдам кўрсатилиши назарда тутилган. Лойиҳаларни ишлаб чиқиш ва танлаш банк мутахассислари томонидан Инвестициялар ва ташқи савдо вазирлиги ҳузурида мамлакатнинг ҳар бир ҳудудида ташкил этилган «лойиҳа гуруҳлари» билан биргаликда амалга оширилади.
Маълум қилинишича, Одил Рено-Бассо EТТБ президенти сифатида Ўзбекистонга биринчи ташрифини амалга оширган.
«Ўтган йили банкимиз ўзбек иқтисодиётига 690 миллион доллар киритди. Айни вақтда Ўзбекистонда бизнинг йирик йўналишларимиздан бири ҳисобланади ва бу шубҳасиз, сўнгги йилларда амалга оширилган кўплаб ижобий ислоҳлтлар билан боғлиқ», — дейди у.
Таъкидлаш керакки, банк ушбу маблағларни мамлакатдаги 22 та лойиҳага киритган, шу сабабли Ўзбекистон кетма-кет иккинчи йил минтақада энг йирик молиялаштирилаётган давлат бўлиб қолмоқда. Бугунги кунда EТТБ Ўзбекистондаги 106 та лойиҳага 2,85 миллиард европадан ортиқ инвестиция йўналтирган.
EТТБ президентининг сўзларига кўра, 2021 йилда банк қайта тикланувчи энергия ва уни ривожлантириш, «яшил ҳудудлар», асосий инфратузилма ва кичик бизнесга оид лойиҳаларни молиялаштирилган. Банк мамлакатдаги фаолиятини кенгайтириб, Ўзбекистонда ўзининг минтақавий учинчи офисини очган.
«Аммо ҳозирда кўплаб минтақалар таҳликали даврни бошдан ўтказаётганини тушунаман. EТТБ ва бошқа шериклар Украинада уруш ва унинг Марказий Осиё ҳамда бутун дунё иқтисодиётига таъсиридан хавотирда. Ташрифим давомида буни кўплаб ўзбек дўстларим билан муҳокама қиламан», — дейди Одил Рено-Бассо.
Изоҳ (0)