Ҳужумчи Лаутаро Мартинес коронавирусга чалинди. Бу ҳақда «Интер» расмий сайтида хабар берилди.
Милан клуби футболчиси Аргентина терма жамоасига жалб этилиши олдидан коронавирусга ижобий тест топширган. Шу тариқа энди у Аргентинага ЖЧ—2022 саралашидан ўрин олган ўйинларда ёрдам бера олмайди.
Терма жамоа 26 ва 30 март кунлари Венесуэла ва Эквадор билан баҳс олиб боради.
Қайд этилишича, ўйинчи санитария протоколида кўрсатилган тартиб-қоидаларга амал қилади.
Маълумот учун, Мартинес 2018 йилдан бери «Интер» шарафини ҳимоя қилиб келади. У 2021/22 йилги мавсумда барча мусобақаларда 39 ўйинда майдонга тушиб, ўз ҳисобига 16 та гол ва 2 та голли узатма ёздириб қўйди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)