Bugun,

  • USD 11095.31
  • RUB 173.84
  • EUR 10772.44

Toshkent shahrida 25-noyabr kuni Turin politexnika universiteti darvozasi yonida 18 yoshli ikki yigit o‘rtasidagi janjal oqibatida bir talaba halok bo‘lgandi. Keyinroq shahar ichki ishlar bosh boshqarmasi holat aks etgan videoni e’lon qilgandi.

Holat 25-noyabr kuni 12:30 atrofida sodir bo‘lgan. Turin politexnika universiteti hovlisida Sunnat va Muhammadaziz ismli yigitlar ko‘rishib o‘zaro yarashish maqsadida qo‘l berishgan payti shu universitet talabasi Samandar ularning oldiga kelgan va “Bo‘ldimi, yarashib oldinglarmi? Chiroyli hal qilinglar” — degan. Shu payt jabrlanuvchi (2003-yilda Andijon shahrida tug‘ilgan) 1-bosqich talabasi Sherzod ismli yigit Samandarning oldiga kelib “Nima qilasiz aralashib?”, degan.

Shu orada Samandarning yoshlikdan birga o‘sgan Abbos va Alimbek ismli do‘stlari kelib qolgan va Abbos Sherzodning yuziga bir musht urib, yerga yiqitgan. Oqibatda u voqea joyida halok bo‘lgan.

Sud-tibbiy ekspertizasining birlamchi ma’lumotiga asosan, Sherzodning o‘limiga bosh miya yopiq jarohati, miya osti pardalari va miya to‘qimalariga qon quyilishi jarohati sabab bo‘lgan.

Gumonlanuvchiga nisbatan Jinoyat kodeksining 104-moddasi 3-qismi “d” bandi (odam o‘limiga sabab bo‘luvchi qasddan badanga og‘ir shikast yetkazish) bilan jinoyat ishi qo‘zg‘atilgandi. Ushbu jinoiy ish sudda ko‘rib chiqildi.

Aniqlanishicha, sud majlisida sudlanuvchi avval Jinoyat kodeksining 169-moddasi (o‘g‘rilik) bilan jinoiy javobgarlikka tortilgani ochiqlandi.

“Shunaqa falokat bo‘ldi. Yosh yigit erta olamdan o‘tdi. Men qamoqda o‘tiribman.

Agar shu yoqqa borib qolmaganimda va janjalga aralashmaganimda, u bola meni so‘kmasdi, men ham u bolani urmasdim. U bola katta bo‘lib, ota-onasini Hajga olib borishi mumkin edi. Men 5 yoki 10 yilda ozodlikka chiqib, ota-onamning bag‘riga qaytib kelarman, lekin u bola endi qaytib kelmaydi.

Men kuchli zarba berish yoki zarba berib nimadir qilish maqsadida u yerga bormagandim. U bolani tanimaganman, shu paytgacha urishib yo qasdlashib yurgan joyim yo‘q. O‘zimni ushlab qololmadim. Yoshlik qilib qo‘ydim”, — deydi ayblanuvchi.

Ayblanuvchi Jinoyat kodeksining 104-moddasi (odam o‘limiga sabab bo‘lgan qasddan badanga og‘ir shikast yetkazish) 3-qismi “d” bandida nazarda tutilgan jinoyatni sodir qilganlikda aybli deb topilib, 8 yil muddatga ozodlikdan mahrum qilindi.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi