Aholining murojaatlariga asosan Uy-joy kommunal xizmat ko‘rsatish vazirligi huzuridagi Uy-joy fondi inspeksiyasi tomonidan O‘zbekistondagi qator uy-joy mulkdorlari shirkati faoliyati o‘rganildi, deb xabar beradi vazirlik matbuot xizmati.
Natijada 20 ta uy-joy mulkdorlari shirkati tomonidan 37 ta holatda 1,6 milliard so‘m mablag‘ maqsadsiz sarflangani yoki talon-toroj qilingani aniqlangan. Shundan 8 ta holatda qurilish-ta’mirlash ishlar hajmiga 451,8 million so‘m qo‘shib yozilgan. Bundan tashqari:
- 5 ta holatda 508,2 million so‘m kredit mablag‘i maqsadsiz sarflangan yoki talon-toroj qilingan;
- 16 ta holatda mulkdorlardan yig‘ilgan 313,2 million so‘m majburiy badal mablag‘i maqsadsiz ishlatilgan yoki talon-taroj qilingan;
- 8 ta holatda 351,9 million so‘mga teng boshqa huquqbuzarlik va kamchiliklarga yo‘l qo‘yilgan.
Avvalroq Sirdaryoda o‘zgalar nomiga 1,2 mlrd so‘m kredit rasmiylashtirgan sobiq bank xodimlariga jinoyat ishi ochilgani, Zangiotada 5,9 mlrd so‘m imtiyozli kredit mablag‘larini talon-toroj qilgan rahbarlar aniqlangani, Toshkentda o‘zi ishlaydigan korxonaning 160 mln so‘mdan ortiq mablag‘ini talon-toroj qilgan bosh hisobchi ushlangani to‘g‘risida xabar berilgandi.
Mavzuga doir:
Izoh (0)