2022-yilning 4-fevralidan to bugunga qadar Toshkent imtihon markaziga avtomaktablarni tugatgan 2406 nafar odam kelgan. Shundan 347 nafarigina imtihonlardan o‘ta oldi. Qolgan 2059 nafar fuqaro yiqilgan. Bu haqda Komil Allamjonov o‘z sahifasida ma’lum qildi.
“Oldin shularning hammasi guvohnoma olar endi. Hech bir tanishingiz imtihondan o‘ta olmaganini eshitganmisiz? Xer...
Hatto kompyuterda ishlashni bilmaydiganlar ham kelyapti. Juda ko‘pchilik masalaning oson yo‘lini qidiryapti (o‘rganib qolganda). Yana kimlardir bu vaqtinchalik, ertaga yopilib ketadi bular, degan gaplarni ham eshityapmiz (chuchvarani umuman sanamabsiz). Xodimlarimizga 100 dollardan 500 dollargacha pora bermoqchi bo‘lganlar qancha.
Avval shunday bo‘lgan. Endi korrupsiyaning (millionlar – dollarlarda) miqdorini tasavvur qiling. Shuning uchun ham oxirgi paytlarda men haqimda zakaz materiallar ko‘p chiqdi. Kim qilayotganini ham bilamiz. Vaqti soati kelib siz ham ularni bilasiz, hozir vaqti emas.
Markaz atrofida izg‘ib yurib, o‘tgan ketgandan imtihonni hal qilib berishni so‘rayotganlar qancha. Endi savol? Nahotki o‘qib kelish shunchalik qiyin? Nahotki faqat pul bilan hal qilish kerak imtihonni? O‘qisangiz, ertaga o‘zingizga yaxshi-ku. Mashinada ertaga ota-onangiz, farzandlaringizni olib yurasiz. Rulda bilimli odam bo‘lgani yaxshimi yoki qoidalarni bilmaydigan odam? Bu faqat foyda-ku.
Biz hatto imtihonga tayyorlovchi ekspress kurslarni ham ochdik. Xohlasangiz, shu yerda o‘qing. Baribir odam aralasha olmaydi imtihonga, shunga ishoning. O‘qigingiz kelmasa, mashina haydagingiz ham kelmasin. Uzuuurr!!! Tugadi...”, — deb yozadi Allamjonov.
Izoh (0)