2022 йилнинг 4 февралидан то бугунга қадар Тошкент имтиҳон марказига автомактабларни тугатган 2406 нафар одам келган. Шундан 347 нафаригина имтиҳонлардан ўта олди. Қолган 2059 нафар фуқаро йиқилган. Бу ҳақда Комил Алламжонов ўз саҳифасида маълум қилди.
«Олдин шуларнинг ҳаммаси гувоҳнома олар энди. Ҳеч бир танишингиз имтиҳондан ўта олмаганини эшитганмисиз? Хер...
Ҳатто компьютерда ишлашни билмайдиганлар ҳам келяпти. Жуда кўпчилик масаланинг осон йўлини қидиряпти (ўрганиб қолганда). Яна кимлардир бу вақтинчалик, эртага ёпилиб кетади булар, деган гапларни ҳам эшитяпмиз (чучварани умуман санамабсиз). Ходимларимизга 100 доллардан 500 долларгача пора бермоқчи бўлганлар қанча.
Аввал шундай бўлган. Энди коррупциянинг (миллионлар – долларларда) миқдорини тасаввур қилинг. Шунинг учун ҳам охирги пайтларда мен ҳақимда заказ материаллар кўп чиқди. Ким қилаётганини ҳам биламиз. Вақти соати келиб сиз ҳам уларни биласиз, ҳозир вақти эмас.
Марказ атрофида изғиб юриб, ўтган кетгандан имтиҳонни ҳал қилиб беришни сўраётганлар қанча. Энди савол? Наҳотки ўқиб келиш шунчалик қийин? Наҳотки фақат пул билан ҳал қилиш керак имтиҳонни? Ўқисангиз, эртага ўзингизга яхши-ку. Машинада эртага ота-онангиз, фарзандларингизни олиб юрасиз. Рулда билимли одам бўлгани яхшими ёки қоидаларни билмайдиган одам? Бу фақат фойда-ку.
Биз ҳатто имтиҳонга тайёрловчи экспресс курсларни ҳам очдик. Хоҳласангиз, шу ерда ўқинг. Барибир одам аралаша олмайди имтиҳонга, шунга ишонинг. Ўқигингиз келмаса, машина ҳайдагингиз ҳам келмасин. Узууурр!!! Тугади...», — деб ёзади Алламжонов.
Изоҳ (0)