Ijtimoiy tarmoqlarda noma’lum shaxslar tunda Jizzax viloyati Forish tumanidagi 13-maktabga bostirib kirib, laboratoriyadagi ko‘rgazmali qurollarni yoqib yuborgani haqida xabarlar tarqaldi. Tuman hokimligi holatga munosabat bildirdi.
Qayd etilishicha, 27-fevralga o‘tar kechasi noma’lum shaxslar maktabning fizika amaliyot xonasiga deraza oynasini sindirib kirgan. Ko‘rgazmali qurollarga shikast yetkazgan. Jumladan, 3 dona geografik xarita, 2 dona geografik globus, 3 dona dars jadvali, stol tennis anjomlari (qo‘l tennis to‘pchasi va raketkasi), mikroskop, indikator, tarozilariga qasddan shikast yetkazib, yaroqsiz holatga keltirgan. 3 dona devor qog‘oz bannerlarini yirtib tashlab, yoqib yuborgan.
Oqibatda maktab mulkiga jami 2 million 500 ming so‘mlik moddiy zarar yetkazilgan.
Tergovga qadar olib borilgan surishtiruv ishlari natijasida ushbu huquqbuzarlik holatini shu maktabning 9 va 10-sinflarida ta’lim oluvchi 3 nafar — X.Y., M.M. va F.M.larning Sh.Y. ismli tanishi sodir etgani aniqlangan.
Maktabga yetkazilgan zarar to‘liq qoplanib, uch nafar voyaga yetmagan shaxsning ota-onalariga nisbatan Ma’muriy javobgarlik to‘g‘risidagi kodeksning 47-moddasiga (bolalarni tarbiyalash va ularga ta’lim berish borasidagi majburiyatlarni bajarmaslik) asosan va 1 nafar voyaga yetgan shaxsga nisbatan MJtKning 61-2-moddasiga (mulkni qasddan nobud qilish yoki unga zarar yetkazish) asosan ma’muriy ish qo‘zg‘atilgan.
Mavzuga doir:
- Qarshida farzandi maktab devoridan oshib tushgan ota-onalar javobgarlikka tortildi
- Asakada maktab o‘quvchilari o‘rtasida ommaviy mushtlashuv sodir bo‘ldi (video)
- Qashqadaryoda maktab o‘quvchisining sinfxonada qilgan noma’qul ishi uchun prokuraturada ishlovchi otasi jarimaga tortilgani ma’lum qilindi. Ammo jarima miqdori ochiqlanmagan
- Samarqandda maktab darsligini yerga otib, axloqsiz harakatlar qilgan uch nafar o‘quvchi IIB ro‘yxatiga olindi
Izoh (0)