Ижтимоий тармоқларда номаълум шахслар тунда Жиззах вилояти Фориш туманидаги 13-мактабга бостириб кириб, лабораториядаги кўргазмали қуролларни ёқиб юборгани ҳақида хабарлар тарқалди. Туман ҳокимлиги ҳолатга муносабат билдирди.
Қайд этилишича, 27 февралга ўтар кечаси номаълум шахслар мактабнинг физика амалиёт хонасига дераза ойнасини синдириб кирган. Кўргазмали қуролларга шикаст етказган. Жумладан, 3 дона географик харита, 2 дона географик глобус, 3 дона дарс жадвали, стол теннис анжомлари (қўл теннис тўпчаси ва ракеткаси), микроскоп, индикатор, тарозиларига қасддан шикаст етказиб, яроқсиз ҳолатга келтирган. 3 дона девор қоғоз баннерларини йиртиб ташлаб, ёқиб юборган.
Оқибатда мактаб мулкига жами 2 миллион 500 минг сўмлик моддий зарар етказилган.
Терговга қадар олиб борилган суриштирув ишлари натижасида ушбу ҳуқуқбузарлик ҳолатини шу мактабнинг 9 ва 10-синфларида таълим олувчи 3 нафар — Х.Й., М.М. ва Ф.М.ларнинг Ш.Й. исмли таниши содир этгани аниқланган.
Мактабга етказилган зарар тўлиқ қопланиб, уч нафар вояга етмаган шахснинг ота-оналарига нисбатан Маъмурий жавобгарлик тўғрисидаги кодекснинг 47-моддасига (болаларни тарбиялаш ва уларга таълим бериш борасидаги мажбуриятларни бажармаслик) асосан ва 1 нафар вояга етган шахсга нисбатан МЖтКнинг 61-2-моддасига (мулкни қасддан нобуд қилиш ёки унга зарар етказиш) асосан маъмурий иш қўзғатилган.
Мавзуга доир:
- Қаршида фарзанди мактаб деворидан ошиб тушган ота-оналар жавобгарликка тортилди
- Асакада мактаб ўқувчилари ўртасида оммавий муштлашув содир бўлди (видео)
- Қашқадарёда мактаб ўқувчисининг синфхонада қилган номаъқул иши учун прокуратурада ишловчи отаси жаримага тортилгани маълум қилинди. Аммо жарима миқдори очиқланмаган
- Самарқандда мактаб дарслигини ерга отиб, ахлоқсиз ҳаракатлар қилган уч нафар ўқувчи ИИБ рўйхатига олинди
Изоҳ (0)