Yozuv — millatning kollektiv xotirasi. Har qanday jamiyat tarixi, orzu-umidlari, ilmiy-madaniy yutuqlari avvalo uning rasmiy tilida va alifbosida ifoda etiladi va kelajak uchun asrab qo‘yiladi. Shu bois ham imlo masalasiga yuzaki qarab bo‘lmaydi.
O‘zbek tili imlosi bugunning eng dolzarb muammolaridan biri bo‘lib turgani hech kimga sir emas. Rasmiy hujjatlardan tortib, kundalik yozishmalarda hamyurtlarimiz imloviy xatolarga yo‘l qo‘yayotgani jamiyatning ziyoli qatlamini asosli tashvishga solmoqda. Bu muammoni hal qilish uchun hukumat ham, keng jamoatchilik ham ko‘plab konstruktiv takliflar bilan chiqmoqda va bu quvonarli hol, albatta.
“Savodxon” loyihasi (savodxon.uz) imlo muammolariga zamonaviy axborot texnologiyalarini ishlatgan holda yechim topish istagi bilan yaratilgan xizmat. U o‘zbek tilida yozilayotgan har qanday matn amaldagi rasmiy imlo qoidalariga monand bo‘lishini ta’minlaydi. Dastur matnda yo‘l qo‘yilgan imlo xatolarini aniqlaydi va ularni tuzatish uchun to‘g‘ri so‘z muqobillarini taklif qiladi.
Dastur imkoniyatlari onlayn xizmat shaklida taqdim etiladi. Ulardan bevosita savodxon.uz saytining o‘zida foydalanish mumkin. Bu ayniqsa veb-sayt administratorlari, jurnalist va blogerlar uchun juda qulay.
Shuningdek, dasturning Microsoft Word va Excel dasturlari uchun maxsus ilovalari ham bor.
Ushbu ilovalar rasmiy hujjatlar bilan ishlaydigan davlat va xususiy tashkilot xodimlari uchun juda qulay. Ilovalar tahrir qilinayotgan hujjatdagi imlo xatolarini tegishli dasturning ichida bevosita tuzatish imkonini beradi. Bu esa ish samaradorligi uchun juda muhim. Ilovalarni ushbu sahifadan yuklab olish mumkin. Sahifada boshqa yana ko‘pgina foydali dasturiy vositalar ham taqdim etilgan.
Bugungacha “Savodxon” dasturi imkoniyatlaridan ko‘plab tashkilotlar foydalanib kelmoqda. Ularning ko‘pchiligi “korporativ mijoz” tariflari taqdim etadigan chegirmalardan unumli foydalanishadi.
“Savodxon” loyihasi va uning xizmatlari haqida batafsil ma’lumot loyiha saytida keltirilgan.
Qo‘shimcha savollar bilan savodxonuz Telegram manziliga murojaat qilish mumkin.
Facebook: facebook.com/savodxon
Instagram: savodxonuz
Telegram kanal: t.me/savodxon_uz
Telegram bot: savodxonBot
Reklama huquqi asosida.
Izoh (0)