19—23-mart kunlari Toshkent mo‘jizaga chulg‘anadi. Dunyoga mashhur aka-uka Safronovlar poytaxtda o‘zining yangi shou dasturlarini taqdim qiladi.
Illyuzionist va kaskadyorlar xavfsizlik vositalari yordamidan foydalanmagan holda hayratlanarli, ishonish qiyin bo‘lgan chiqishlarni amalga oshirishadi. Hammasi tomoshabinlar ko‘z o‘ngida ro‘y beradi.
Illyuzionist Safronovlar — uch tug‘ishgan aka-ukalar. Ular Rossiyada o‘z ishining 1-raqamli ustalari sanaladi. Qolaversa, butun dunyoda bu artistlarning ko‘p millionli muxlislari bor. Ularning shousida har qanday inson tomoshabin sifatida ishtirok etishni orzu qiladi.
Aka-uka Safronovlar Wizard Trophy xalqaro festivalida “Dunyodagi eng yaxshi katta illyuziya” sovrinini va “Jahon illyuziya janriga qo‘shgan hissasi uchun” mukofotini qo‘lga kiritgan. Mukofot har yili dunyoning eng yaxshi ko‘zbog‘lovchilari va fokuschilariga topshiriladi.
Qolaversa, aynan aka-ukalarga “Dunyo bo‘yicha illyuzion shou doirasida bir vaqtning o‘zida eng ko‘p muallaq turganlar” jahon rekordini o‘rnatish nasib qilgan. Aka-uka Safronovlar Yandeks.Afisha dasturida 10 dan 9,9 ball ko‘rsatkich bilan eng yuqori reytingga ega. Bularning barchasi ularni jahon ko‘zbog‘lovchilari ichra yetakchilardan ekanini ko‘rsatadi.
Toshkentda taniqli san’at ustalari hayratlanarli darajada sehrli tomoshalar ko‘rsatishlari kutilmoqda. Tomoshaning o‘ziga xosligi qayta takrorlab ko‘rishga hech kimning haddi sig‘maydigan yangi, betakror chiqishlardagina emas. Safronovlarning mo‘jizakor shousi nafaqat kattalar uchun, balki bolalar uchun ham mo‘ljallangani bilan ajralib turadi.
Toshkentlik tomoshabinlarni arralash, shishalar uzra yurish, nayzalar sanchish kabi tomoshalar kutmoqda. Ular qatorida levitatsiya, fikrni o‘qish, teleportatsiya bilan bog‘liq chiqishlar ham bor. Ko‘zni qamashtiruvchi maxsus effektlar va nur o‘yinlari shouni hashamatli tomoshaga aylantiradi.
Arralash — dunyo bo‘ylab aka-uka Safronovlardan boshqa biror illyuzionist bajarmaydigan chiqish. Uch kishi ishtirokidagi bu ko‘rinishda eng zamonaviy texnologiyalardan foydalaniladi. Aynan shu chiqishlari uchun Safronovlar Wizard Trophy xalqaro illyuzionistlar festivalida “Dunyodagi eng yaxshi katta illyuziya” nominatsiyasi bo‘yicha birinchi o‘rinni egallagan.
Mo‘jizakor shou Navro‘z umumxalq bayrami, shuningdek, maktab o‘quvchilarining ta’til kunlari — 19, 20, 21, 22 va 23-mart sanalarida Toshkentdagi A. Navoiy nomidagi kinochilar uyida bo‘lib o‘tadi. Taniqli illyuzionistlarning shousi bolalar uchun ham, ularning ota-onalari uchun ham qiziqarli bo‘lishiga shubha yo‘q.
To‘liq qayta ta’mirlangan va jihozlangan A. Navoiy nomidagi kinochilar uyi endilikda ana shunday shou tomoshalar uchun juda munosib maskan.
Chiptalar myticket.uz sayti va Kinochilar uyi kassalarida.
Ma’lumot uchun telefon: +99895 169 87 87
Reklama huquqi asosida.
Izoh (0)