Shu kunlarda ijtimoiy tarmoqlarda avtomobil ishqibozlarining avtomobil korpusi suvga to‘layotganligi haqidagi shikoyatlari bilan murojaatlari chiqmoqda. Videomurojaatdan ko‘rinib turibdiki, suv salon ichiga tushib, avtomobil gilamchalari ostida to‘plangan. Yangi avtomobilning salonida suv to‘planishiga avtomobil korpusi texnik teshiklarining demontaj qilingani sabab bo‘lgan.
Avtomobil modeliga qarab, texnik teshiklar transport vositasining pastki qismida yoki dvigatel panelida joylashgan bo‘ladi. Ularning har biri zavodning qopqoqlari bilan mahkamlangan.
Ko‘p hollarda texnik teshiklarning demontaji tashqi qurilmalar, masalan, videoregistratorlarni o‘rnatish paytida yuzaga keladi. Tashqi qurilmalarni o‘rnatishda ishonchli bo‘lmagan yoki noprofessional mutaxassislar teshiklarga zarar yetkazishi mumkin yoki qopqoqlashni butunlay unitib qo‘yishadi. Natijada esa “tana”ning zichligi buziladi va bu salon ichki qismiga osonlik bilan suv kirishiga olib keladi.
Yangi avtomobilingizda bunday holatlarga yo‘l qo‘ymaslik va muammoni bartaraf etaman deb qo‘shimcha muammolarni yuzaga keltirmaslik uchun sertifikatlangan xizmat ko‘rsatish markazlariga murojaat qilish tavsiya etiladi.
Avtomobil ishlab chiqarish jarayonida salonga suv kirmasligi uchun avtomobil kuzovi turli xildagi himoya vositalari va moslamalar bilan ta’minlangan.
Avtomobilning kuzov, korpus qismlarini ishlab chiqarishda zichlik va shovqin sezdirmaslik uchun ovoz izolyatsiyasi ishlatiladi.
Suvning salon ichki qismiga kirishiga yo‘l qo‘ymaslik uchun avtomobil kuzovlarini bo‘yashdan oldin, texnologik teshik joylarida maxsus plomba va rezina tiqinlar o‘rnatiladi.
Avtomobillarni yig‘ishda aynan elektr simlarni o‘rnatish jarayoni dvigatel qismi va korpuslar orasida, pastki qismidagi g‘ildirak arkalarida tashqaridan salonga o‘tish teshiklari himoya rezinasi bilan qoplangan.
Avtomobil tayyor bo‘lganda, uning suvga chidamliligi maxsus suv o‘tkazmaydigan dush xonasida injektorlar yordamida yuqoridan, pastdan, umuman har tomonlama suv bosimi bilan sinovdan o‘tkaziladi.
Albatta, anonim postlar asosida kompaniyaning nosozliklarni bartaraf etish uchun tezkor choralar qabul qilishi ancha murakkabroq, chunki bunda muloqot qiluvchi shaxsni topish imkoniyati bo‘lmaydi.
UzAuto Motors mahsulotiga oid barcha masalalarning jadal hal qilinishi uchun mijozlardan bevosita kompaniyaning o‘ziga va uning dilerlariga murojaat qilish jarayonni tezlashtiradi. Qolaversa, bu UzAuto Motors’ga ishlab chiqarishdagi va dilerlik markazlaridagi tizimli muammolarni aniqlash imkonini beradi.
Shuningdek, ishlab chiqaruvchining standart yo‘riqnomalariga ko‘ra, oldi-sotdi bitimini rasmiylashtirishdan oldin dilerlar mijoz huzurida avtomobilni ko‘zdan kechirish kerakligini e’tiborga olishi zarur. Ushbu taomil shartnomani rasmiylashtirishdan oldin to‘liq jihozlanganligini tekshirish, shuningdek, avtomobilga kafolatli xizmat ko‘rsatish shartlarini o‘rganib chiqish imkonini beradi.
Shu munosabat bilan kompaniya xaridorlarini ushbu taomilga e’tiborli bo‘lishga chaqiradi.
UzAuto Motors uchun har bir mijozning xavfsizligi va qulayligi muhim. Biz ehtimoliy shikastlanishlar haqidagi foto va video axborotni taqdim etayotgan faollarga minnatdorlik bildirib, iste’molchilar manfaatlari yo‘lida, ularning kontaktlari kompaniya mutaxassislariga tezkor chora ko‘rish uchun taqdim etiladi, deb umid qilamiz.
UzAuto Motors korxona mahsuloti sifati bo‘yicha call-markazga yoki rasmiy dilerlik markazlariga murojaat qilishni maslahat beradi.
Call-markaz: +99878 141 77 77
Facebook: UzAutoMotorsOfficial
E-mail: info@uzautomotors.com
Reklama huquqi asosida.
Izoh (0)