Anadolu klinikasi mutaxassislarining onkopatologiyalarni diagnostika qilish va davolashning zamonaviy usullari, “aqlli dori” vositalari va yangi Vafi texnikasi haqida.
Dunyodagi yaxshi tibbiyot muassasalarining uchtaligiga kirgan Anadolu tibbiyot markazining yetakchi mutaxassislari Intermed Innovation hamkor klinikasida o‘zbekistonlik bemorlarga bepul maslahatlar berish maqsadida Toshkentga tashrif buyurdi. Mashhur onkolog Sinan Karaaslan va qorin bo‘shlig‘i onkoxirurgi Vafi Atalay juda band bo‘lishiga qaramay, onkologiya sohasidagi so‘nggi yutuqlar haqida suhbatlashishga vaqt ajratishdi.
Katta tajribaga ega onkolog sifatida doktor Sinan Karaaslan dori vositalari yordamida davolashga ixtisoslashgan bo‘lib, o‘z amaliyotida “aqlli dori” vositalarining so‘nggi avlodi — saraton kasalligini davolashda yuqori samaradorlikni ko‘rsatgan immunoterapevtik va maqsadli dori vositalaridan foydalanadi.
“Bu qanchalik achinarli tuyulmasin, dunyoda saraton kasalliklari doimiy ravishda o‘sib bormoqda va biz — shifokorlar buni atrof-muhit va hayot sifatining sustlashishi bilan bog‘laymiz. Biroq zamonaviy tibbiyotning jadal rivojlanishi va umuman texnika taraqqiyoti turli saraton kasalliklarga erta tashxis qo‘yishga ijobiy ta’sir ko‘rsatib, ularga qarshi o‘z vaqtida va muvaffaqiyatli kurashish imkonini bermoqda”, — deydi doktor Sinan.
Bugungi kunda jahon tibbiyoti xavfli patologiyalarga qarshi kurashda “aqlli dori” vositalaridan faol foydalanmoqda, bu esa davolash samaradorligini oshirish, nojo‘ya ta’sirni minimallashtirish bilan bemorlarning hayot sifatini oshirish va umrini imkon qadar uzaytirish imkonini beradi. Yangi avlod dori vositalari dastlab ishlab chiqilgan va joriy qilingan paytdan boshlab, Anadolu klinikasi mutaxassislari ushbu davolash turiga faol ravishda murojaat qilmoqda.
Ular yaxshi natijalarni ko‘rsatmoqda, ammo hozirgacha vositalar ehtiyotkorlik bilan tanlab qo‘llaniladi. Holbuki, tibbiyot bir joyda turmaydi va biz tibbiyotdagi yangi kashfiyotlar tufayli ularni qo‘llash doirasini kengayishini kutamiz.
Davolash protokoliga maqsadli terapiyani kiritish uchun birinchi navbatda o‘smalarning genetik xususiyatlarini aniqlash zarur. Aniqlangan mutatsiyalarga asoslanib, ularga maqsadli ta’sir ko‘rsatadigan muayyan maqsadli dori vositalarni tanlash mumkin. Xuddi shu narsa organizmning immun tizimiga bevosita ta’sir qiluvchi, o‘simta hujayralariga hujumini rag‘batlantiradigan dori vositalari, ya’ni immunopreparatlar uchun ham amal qiladi. Immunoterapiya ma’lum turdagi gen mutatsiyalari bo‘lgan bemorlarda ham qo‘llaniladi.
“Aqlli dori” vositalari bilan davolash barcha saraton bemorlariga mos kelmaydi. Shifokorlar onkologiya turiga, o‘smaning molekulyar genetik xususiyatlariga, kasallikning rivojlanish bosqichiga va boshqa muhim omillarga qarab individual davolash rejasini ishlab chiqishadi”, — dedi Doktor Sinan Karaaslan. Uning so‘zlariga ko‘ra, maqsadli terapiya ko‘pincha o‘pka saratoni uchun qo‘llaniladi, agar o‘simtani jarrohlik yo‘li bilan davolash mumkin bo‘lmasa, bu standart usullardan 2-3 baravar samaraliroq. Endilikda immunoterapiya buyrak saratoni yoki melanoma (teri saratoni) kabi onkologik patologiyalarni ham muvaffaqiyatli davolash imkonini beradi.
So‘nggi paytlarda aksariyat onkologlar statistika ma’lumotlariga ko‘ra, onkologik kasalliklar orasida tarqalishi bo‘yicha dunyoda 3-o‘rinni egallab kelayotgan kolorektal saratoni bilan duch kelmoqda. Ushbu turdagi patologiyaning o‘ziga xos xususiyatlaridan biri shundaki, uni kolonoskopiya yordamida muntazam profilaktik tekshiruvlar bilan aniqlash oson, ayniqsa 50 yoshdan oshgan odamlarda. Erta tashxis qo‘yilgan holatda bu kasallik muvaffaqiyatli davolanishi mumkin, ammo kech bosqichda aniqlansa, bashoratlar sezilarli darajada yomonlashadi.
Anadolu klinikasi yetakchi mutaxassisi, onkolog-jarroh Vafi Atalayning ta’kidlashicha, bemorga ichak saratoni tashxisi qo‘yilgach, shifokorlarning dastlabki harakatlari ikki bosqichdan iboratdir:
- birinchi qadam — kasallikning bosqichini aniqlash. Agar patologiya erta bosqichda aniqlansa, muvaffaqiyatli davolanish ehtimoli 80 foizgacha deb hisoblanadi. Kasallikning kech bosqichida tashxis qo‘yilgan taqdirda 15 foizgacha kamayadi;
- ikkinchi qadam — davolash taktikasi va prognozini aniqlash.
Yildan yilga bu muammoga duchor kelgan doktor Vafi Atalay ko‘plab muqobil usullarni o‘rganib chiqdi, keyin esa o‘zining mualliflik usuli — Vafi usulini ishlab chiqib, uni patentladi va amalga oshirishga muvaffaq bo‘ldi.
“Tubal ileostomiya texnikasi qorin bo‘shlig‘iga o‘rnatilgan naycha orqali chiqindi mahsulotlarni chiqarib tashlashni o‘z ichiga oladi. Ammo uni afzalligi shundaki, tubal ileostom faqat 2 haftaga, ya’ni operatsiya joyi tuzalmaguncha joylashtiriladi, shundan so‘ng ehtiyotkorlik bilan olib tashlanadi. Shu bilan birga, bemorlar kolostomadan farqli o‘laroq, ikkinchi operatsiyaga muhtoj emaslar: naychadagi teshiklar 2-3 kun ichida o‘z-o‘zidan tuzalib ketadi”, — dedi shifokor.
Aytish joizki, Anadolu klinikasining faoliyati sodda, ammo yuksak maqsadga asoslangan. “Bizning maqsadimiz — har bir bemorga yuqori sifatli xizmat ko‘rsatish. Biz miqdor uchun kurashmaymiz. Biz sifat uchun kurashamiz”, — deydi shifokorlar.
Darhaqiqat, o‘z arsenalida so‘nggi ilm-fan yutuqlari, jahon tajribasi, aniq va tez natijalar beradigan noyob patologik laboratoriyaga ega bo‘lgan Anadolu klinikasidagi malakali mutaxassislar jamoasi ko‘p tarmoqli maslahatlashuvlar tamoyili nafaqat dastlabki tashxis va protokolni shakllantirishning bosqichida, balki har bir bemorni davolash va reabilitatsiya qilishning murakkab jarayonida, birgalikda harakat qiladigan yagona organizm kabi ishlaydi. Har bir protokol bemorning individual xususiyatlariga, uning imkoniyatlariga, turmush tarziga qarab turli tor soha shifokorlarning jipslashgan jamoasi tomonidan ishlab chiqiladi.
“Maqsadimiz — bemor uchun qulay sharoitda yaxshi natijaga erishishdir”, — deydi klinika vakillari.
Anadolu — Turkiyadagi Amerika klinikasi. U AQShning dunyoga mashhur Jon Xopkins universiteti kasalxonasi (Johns Hopkins Medicine) rahbarligida 1889-yilda yaratilgan va hozirgi kunga qadar faoliyat yuritadi.
Markaz Turkiyaning mashhur Anadolu Group xoldingi tarkibiga kiruvchi Anadolu xayriya fondiga tegishli. Kasalxona 22 yil davomida Amerikadagi saraton kasalligini davolash bo‘yicha yetakchi markazlardan biri sifatida tan olingan. Barcha ishlar JCI, AIA, NFPA, ADA Amerika standartlariga muvofiq qurilgan.
2019-yilda Anadolu klinikasi yaxshi shifoxonalari reytingida xorijliklar uchun xizmat ko‘rsatadigan yaxshi tibbiy muassasalar reytingida ikkinchi o‘rinni egalladi.
Anadolu klinikasining Toshkentdagi vakolatxonasi bir yildan beri muvaffaqiyatli faoliyat yuritmoqda. Markaz Turkiyada davolanishni xohlovchilarning soni ko‘pligi sababli ochilgan.
Ofisning ish vaqti: haftada olti kun, soat 9:00 dan 18:00 gacha
Manzil: Yakkasaroy tumani,Mirobod ko‘chasi, 10/402, 1-kabinet
Mo‘ljal: Respublika Ichki ishlar vazirligi yaqinidagi Korzinka supermarketi yoki Grand Mir (sobiq “Rossiya”) mehmonxonasi
Telefon: +99890 114 46 66
E-mail: anadolu.tashkent@anadolusaglik.org
Veb-sayt: anadolumedicalcenter.ru
Facebook: fb.com/anadolumedical.official
Instagram: anadolumedicalcenter_ru
Reklama huquqi asosida.
Izoh (0)