Сервер Жепаров «Локомотив»да иш бошлади. Бу ҳақда «темир йўлчилар» матбуот хизмати маълум қилди.
Қайд этилишича, «Локомотив» жамоаси футбол мактабини ривожлантириш йўлида бир қатор лойиҳаларни ишлаб чиққан. Унга кўра, футбол мактабини юқори даражага олиб чиқишда Сервер Жепаров ҳам катта ўринга эга бўлади.
Ҳозирги кунга қадар Ўзбекистон У-15 терма жамоасини бошқараётган 39 ёшли мутахассис эндиликда «Локомотив» футбол мактабида ҳам фаолият олиб боради.
Эслатиб ўтамиз, Жепаров 2016 йилда футболчи сифатида «темир йўлчилар» сафида ўйнаган.
Маълумот учун Сервер футболчилик фаолияти давомида Ўзбекистоннинг «Навбаҳор», «Пахтакор», «Бунёдкор», «Локомотив», «Металлург», Жанубий Кореянинг «Сеул», «Сеонгнам», «Улсан», Саудия Арабистонининг «Аш-Шабаб», Эрон чемпионатининг «Истиқлол», «Сепахон» ва Қозоғистоннинг «Жетису» клубларида тўп сурган.
Эслатиб ўтамиз, Жепаров 2019 йилда фаолиятини «Металлург» сафида якунлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)