«Барселона» ёзда таркибда ўзгаришлар амалга оширмоқчи.
Diario Sport’нинг хабар қилишича, каталонияликлар Мемфис Депай, Люк де Йонг ва Мартин Брэйтуэйт билан хайрлашиши мумкин.
«Барселона» учун идеал ҳужум чизиғи — Ферран Торрес, Ансу Фати ва ҳозирда «Боруссия Д» сафида ўйнаётган Эрлинг Ҳоланд.
Депай Хавининг «Барселона»сида ўз ўрнини топа олмаяпти. Ҳужумчининг «кўк-анорранглилар» билан шартномаси 2023 йил ёзида ўз ниҳоясига етади, шунинг учун раҳбарият уни ёзда сотиш орқали пул ишлаб олмоқчи.
Хави де Йонгнинг профессионализмидан қониқади. Аммо мураббий жамоада бошқа даражадаги ҳужумчини кўрмоқчи. «Севилья» ҳужумчисининг ижара муддати ёзда тугайди.
42 ёшли мутахассис Брэйтуэйтнинг машғулотларда қандай ишлашини кўрмоқда, аммо данияликни юқори даражадаги ҳужумчи деб ҳисобламайди.
Изоҳ (0)