Internet tarmoqlarda Toshkent shahri Qo‘yliq hududida Ichki ishlar organi xodimlari fuqarolarni avtobusga majburan yuklab, ularni do‘pposlagani aytilgan videolar tarqaldi. Shahar IIBB holatga munosabat bildirdi.
Qayd etilishicha, “xabar haqiqatdan yiroq”. 2021-yil 31-dekabr kuni huquqbuzarliklarni barvaqt oldini olish, poytaxt aholisi va mehmonlarining xavfsizligini ta’minlash maqsadida Toshkent shahar IIBB patrul-post xizmati xodimlari Toshkentda “Xavfsiz poytaxt” konsepsiyasi doirasida profilaktik tadbirlar o‘tkazgan. Xodimlar aholiga nisbatan kuch ishlatmagan, hech kimga badan shikastlari yetmagan.
“Fuqarolardan ma’lumotlarni rasmiy manbalardan olishlarini iltimos qilamiz. Noto‘g‘ri xabarlarni tarqatish javobgarlikka sabab bo‘lishi mumkin”, — deyiladi xabarda.
Mazkur holat bo‘yicha Toshkent shahar IIBB xodimlari tomonidan qo‘shimcha tekshiruv o‘tkazilmoqda.
Mavzuga doir:
- Andijonda haydovchi bilan qo‘pol munosabatda bo‘lgan YPX xodimi ishdan haydaldi (video)
- Zangiotada onasiga tazyiq o‘tkazib uyida janjal ko‘targan shaxs unga nisbatan IIB xodimlari kuch ishlatganini aytmoqda. IIV holatga izoh berdi
- To‘rtko‘lda fuqaroga tan jarohati yetkazilgani aytilayotgan IIB xodimlari xatti-harakatlari yuzasidan xizmat tekshiruvi tayinlandi
Izoh (0)