Osiyoning ko‘plab davlatlarida eng asosiy bayram hisoblanuvchi Oy taqvimi bo‘yicha Yangi yil keng nishonlandi. 2022-yilda ushbu bayramning o‘tkazilish sanasi 1-fevralga to‘g‘ri keldi. Shu kuni Uzoq sharq davlatlarida Xitoy muchal taqvimi bo‘yicha yo‘lbars yili kirib keldi. “Daryo” Xitoy, Indoneziya, Hindiston va boshqa uzoq sharq mamlakatlarida ushbu bayram qanday tantana qilingani haqidagi suratlar jamlanmasini taqdim qiladi.
Xitoy poytaxti Pekinda Yangi yilning birinchi kunida odamlarga omad keltiruvchi an’anaviy arslon raqsi ijro etiladi. Pandemiya davom etayotgan vaqtda ketma-ket uchinchi yilda ham bayram kunlari turli taqiq va cheklovlar joriy etilmadi. Omikron shtammi keng tarqalayotgan bir pallada Janubi-sharqiy Osiyoning bir qator davlatlariga sayohatlarga nisbatan cheklovlar kuchga kirgan, lekin bu ularning to‘liq taqiqlanganini anglatmaydi. Xitoyning o‘zida fuqarolar mamlakat bo‘ylab QR-kodlar tizimi orqali harakatlanishi mumkin.
Tailandda koronavirus pandemiyasi sabab rasmiy tadbirlar bekor qilingan bo‘lsa ham, odamlar Bangkokdagi Xitoy mavzesida to‘planib bayramni nishonladi.
Ko‘plab xitoyliklar Oy taqvimi bo‘yicha yo‘lbars yilida butun dunyoda COVID-19 koronavirus pandemiyasining tugashiga ishonmoqda.
Mavzuga doir:
- Uzoq Sharqdagi Yangi yil, Kiyevda nishonlangan hijob kuni, “knyaz Miloslavskiy”ning dafn marosimi. 1-fevral suratlari
- Fotogalereya: Koronavirus modeli va samolyotdagi “Budda” — Hindistonda Respublika kuni paradi qanday o‘tdi?
- Bruney malikasi Fadzilla turmushga chiqdi. Uning to‘yi yetti kun davom etdi (foto)
Izoh (0)