O‘zbekiston terma jamoasi va Yangi Zelandiya o‘rtasidagi o‘rtoqlik o‘yini bekor qilindi. Bu haqida O‘FA matbuot xizmati ma’lum qildi.
Yangi Zelandiya terma jamoasi topshirgan PZR testlari natijasiga ko‘ra, 12 futbolchida koronavirus aniqlandi. Yangi Zelandiya vakillari bu holatda o‘ynay olmasligi, murabbiy esa tarkib shakllantirish uchun yetarlicha futbolchilarga ega emasligini bildirdi. Shu sababli jamoalar o‘rtasidagi o‘rtoqlik uchrashuvi bekor qilindi.
Eslatib o‘tamiz, O‘zbekiston terma jamoasi Dubaydagi yig‘in doirasida 23-yanvar kuni “Al-Vahda” jamoasi bilan o‘rtoqlik o‘yini o‘tkazib, 1:0 hisobida g‘alaba qozondi. 27-yanvar, payshanba kuni esa Janubiy Sudan 3:0 hisobida taslim etildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)