Ўзбекистон терма жамоаси ва Янги Зеландия ўртасидаги ўртоқлик ўйини бекор қилинди. Бу ҳақида ЎФА матбуот хизмати маълум қилди.
Янги Зеландия терма жамоаси топширган ПЦР тестлари натижасига кўра, 12 футболчида коронавирус аниқланди. Янги Зеландия вакиллари бу ҳолатда ўйнай олмаслиги, мураббий эса таркиб шакллантириш учун етарлича футболчиларга эга эмаслигини билдирди. Шу сабабли жамоалар ўртасидаги ўртоқлик учрашуви бекор қилинди.
Эслатиб ўтамиз, Ўзбекистон терма жамоаси Дубайдаги йиғин доирасида 23 январь куни «Ал-Ваҳда» жамоаси билан ўртоқлик ўйини ўтказиб, 1:0 ҳисобида ғалаба қозонди. 27 январь, пайшанба куни эса Жанубий Судан 3:0 ҳисобида таслим этилди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)