2021-yilda yengil avtomobil eksporti 10 401 taga oshgan. Bu haqda Davlat statistika qo‘mitasi xabar bermoqda.
Ma’lumotlarga ko‘ra, O‘zbekiston o‘tgan yilda 10 davlatga qiymati 281,8 mln dollarga teng bo‘lgan 28 952 ta yengil avtomobil eksport qilgan.
Shu bilan birgalikda, ishlab chiqarish hajmi avvalgi yillarga nisbatan tushib ketdi. Misol uchun, 2020-yilda jami 23 mingta Spark avtomobili ishlab chiqarilgan edi. 2021-yilda bu ko‘rsatkich bor-yo‘g‘i 9,9 mingtani tashkil qilib, 57 foizga tushdi.
Nexia ishlab chiqarilishi ikki barobarga, ya’ni 2020-yili 66,4 mingtadan 2021-yili 31,4 mingtaga pasaydi.
Cobalt ishlab chiqarilishi 11 foizga qisqartirildi – o‘tgan yili kompaniya 71 mingta avtomobil ishlab chiqargan bo‘lsa, undan bir yil avval ushbu ko‘rsatkich 79,9 mingtani tashkil qilgan edi.
Davlat statistika qo‘mitasining dekabr oyidagi ma’lumotlari shuni ko‘rsatadiki, umumiy yengil avtomobil eksportining 90 foizdan ko‘prog‘i Qozog‘istonga tegishli bo‘lib qolmoqda. Qo‘shni respublikada Chevrolet Hyundai bilan, Cobalt esa Accent bilan raqobatlashadi.
Eksport qilinayotgan avtomobillar Rossiya va Qozog‘iston bozorida bir necha yillardan beri mavjud. Jumladan, Cobalt rusumidagi avtomobillar Rossiya bozorida 923 900 rubl (127,8 mln so‘m)dan boshlab sotilayotgan bo‘lsa, Qozog‘istonda bu narx 5,49 mln tenge yoki 136,4 mln so‘mga teng. UzAuto Motors saytidagi ma’lumotga ko‘ra, Cobalt O‘zbekistonda 97 mln so‘mdan boshlab sotilmoqda.
So‘nggi yillarda eksport bilan nima sodir bo‘lmoqda?
Ko‘p yillar davomida O‘zbekiston avtomobillari yirik eksport bozorlarida eng arzon avtomobillardan biri bo‘lib kelgan. 2018-yilning yozida Spark va Nexia Rossiyadagi eng arzon xorijiy avtomobil deb topildi. Ularning narxi esa mos ravishda 6900 va 7100 dollarni tashkil qildi.
O‘sha yilning iyun oyida prezident Shavkat Mirziyoyev avtomobil sanoatini keskin tanqid qilgan edi.
Avgust oyiga kelib O‘zbekistonda ham, xorijda ham avtomobillar savdosi to‘xtatildi. Xuddi shu oyning oxirida ular faqat ichki bozorda qayta sotila boshladi.
Noyabr oyidan boshlab o‘zbek avtomobillari eksporti avvalgi narxidan ancha qimmatroq bo‘lib qayta tiklandi. Shundan so‘ng Qozog‘istonda Nexia va Ravon narxi deyarli 5 ming dollarga qimmatlashdi.
2021-yilda eksport oxirgi 6 yil ichida rekord darajaga yetdi. Avvalgi eng yaxshi natija 2017-yilda qayd etilgan bo‘lib, 26 849 donaga teng edi. Bu borada eng past ko‘rsatkich 2018-yili 4 827 dona bilan qayd etilgan. Yuqorida keltirilganidek, o‘sha yili 3 oy davomida avtomobillar eksporti to‘xtatilgan edi.
Shuni alohida ta’kidlab o‘tish kerakki, 2021-yil barcha ko‘rsatkichlar bo‘yicha eng yaxshi yil bo‘ldi:
O‘sish nafaqat narxlarning o‘zgarishi bilan bog‘liq, balki bu yillarda model diapazoni ham o‘zgargan. So‘nggi yillarda, asosan, Cobalt eksport qilinmoqda, u Rossiyada ham, Qozog‘istonda ham hech qachon eng arzon xorijiy avtomobillar qatorida bo‘lmagan.
Izoh (0)