25-yanvar kuni Urganchdan Moskvaga uchgan samolyot yo‘lovchilardan birining ahvoli og‘irlashgani sabab Orenburgga favqulodda qo‘nishni amalga oshirdi, deb xabar beradi “Ria56” nashri.
Dastlabki ma’lumotlarga ko‘ra, Urganch—Moskva yo‘nalishi bo‘yicha uchayotgan samolyot yo‘lovchilardan birining sog‘lig‘i yomonlashgani sababli Orenburg aeroportiga favqulodda qo‘nishga majbur bo‘lgan.
Biroq 63 yoshli erkak shifokorlar yetib kelguniga qadar layner salonida vafot etgan. Holat yuzasidan hozirda Rossiya Tergov qo‘mitasining Transport bo‘yicha Markaziy mintaqalararo tergov boshqarmasi tergovchilari tekshiruv o‘tkazmoqda. Hodisaning barcha holatlari aniqlanmoqda. Tekshiruvda protsessual qaror qabul qilinadi.
Avvalroq Moskvadan Buxoroga uchayotgan samolyot homilador ayol sabab Samara aerodromiga qo‘ngani, Moskvadan Qarshiga uchayotgan samolyot Tojikiston fuqarosiga tezkor tibbiy yordam kerak bo‘lib qolgani sabab Urganchga favqulodda qo‘ngani to‘g‘risida xabar berilgandi.
Mavzuga doir:
Izoh (0)