Toshkent, Samarqand, Buxoro, Qarshi temiryo‘l vokzallarida elektr ta’minoti qayta tiklangani bois 26-yanvardan Buxoro—Toshkent yo‘nalishida harakatlanadigan 765-sonli hamda Toshkent markaziy temiryo‘l vokzalidan har kuni harakatlanadigan “Afrosiyob” zamonaviy poyezdlari o‘z harakat jadvali bo‘yicha qatnovlarni amalga oshiradi. Bu haqda “O‘ztemiryo‘lyo‘lovchi” matbuot xizmati xabar berdi.
Toshkent markaziy temiryo‘l vokzalidan har kuni amalga oshiriladigan qatnovlar:
- soat 07:00 dagi 764-sonli,
- soat 07:28 dagi 762-sonli,
- soat 08:00 dagi 760-sonli,
- soat 08:30 dagi 770-sonli
Qo‘shimcha ma’lumotlarni Toshkent shahrida 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.
Eslatib o‘tamiz, 25-yanvar kuni soat 11:00 larda O‘zbekistonning qator viloyatlarida elektr energiyasi ta’minoti uzilgan edi. Toshkent metropoliteni faoliyati ham to‘xtagan, respublikadagi barcha poyezdlar o‘z manzillariga kechikib yetib borishi aytilgandi. Keyinroq Toshkent mintaqaviy temiryo‘l uzeli Toshkent shahridagi temiryo‘l vokzallarida elektr energiyasi bosqichma-bosqich tiklanayotganini ma’lum qildi.
Izoh (0)