25 январь куни Урганчдан Москвага учган самолёт йўловчилардан бирининг аҳволи оғирлашгани сабаб Оренбургга фавқулодда қўнишни амалга оширди, деб хабар беради «Риа56» нашри.
Дастлабки маълумотларга кўра, Урганч—Москва йўналиши бўйича учаётган самолёт йўловчилардан бирининг соғлиғи ёмонлашгани сабабли Оренбург аэропортига фавқулодда қўнишга мажбур бўлган.
Бироқ 63 ёшли эркак шифокорлар етиб келгунига қадар лайнер салонида вафот этган. Ҳолат юзасидан ҳозирда Россия Тергов қўмитасининг Транспорт бўйича Марказий минтақалараро тергов бошқармаси терговчилари текширув ўтказмоқда. Ҳодисанинг барча ҳолатлари аниқланмоқда. Текширувда процессуал қарор қабул қилинади.
Аввалроқ Москвадан Бухорога учаётган самолёт ҳомиладор аёл сабаб Самара аэродромига қўнгани, Москвадан Қаршига учаётган самолёт Тожикистон фуқаросига тезкор тиббий ёрдам керак бўлиб қолгани сабаб Урганчга фавқулодда қўнгани тўғрисида хабар берилганди.
Мавзуга доир:
Изоҳ (0)