Toshkent aeroporti normal rejimda ishlamoqda, hozirda yo‘lovchilar reyslarga ro‘yxatga olinmoqda, deb xabar bermoqda Uzbekistan Airports.
Qayd etilishicha, ayni vaqtda Andijon, Samarqand, Nukus va Urganch aeroportlarida elektr ta’minoti tiklangan. Farg‘ona aeroportiga qisman elektr energiyasi yetkazib berilgan. Navoiy aeroportida elektr ta’minotida uzilishlar kuzatilmagan. Hududlardagi qolgan aeroportlar generatorlar yordamida ishlamoqda.
Toshkent aeroporti normal rejimda ishlamoqda. Hozirda yo‘lovchilar quyidagi reyslarga ro‘yxatga olinmoqda:
- KC 128d Toshkent—Olmaota;
- HY 3601 Toshkent—Moskva;
- HY 3631 Toshkent—Sankt-Peterburg;
- HY 9687 Toshkent—Krasnodar.
Energetika vazirligi ma’lumotlariga ko‘ra, hozirda Toshkent viloyatidagi Chorvoq, Hojikent va Tovoqsoy gidroelektr stansiyalari, Navoiy viloyatidagi Navoiy issiqlik elektr stansiyasi, Qoraqalpog‘iston Respublikasidagi Taxiatosh issiqlik elektr stansiyasi hamda Farg‘ona viloyatidagi Farg‘ona issiqlik elektr markazi orqali energetika tizimiga quvvat uzatish boshlangan. “Daryo” nashri xodimlari va o‘quvchilarining xabar berishicha, Toshkent shahrining ayrim hududlarida elektr ta’minoti tiklanmoqda.
Mavzuga doir:
- “Vaziyat shaxsan prezident nazorati ostida”. Sherzod Asadov fuqarolarni sarosimaga tushmaslikka chaqirdi
- Elektr tizimidagi uzilishlar oqibatida yetkazilgan zarar hisob-kitob qilinadi — Moliya vazirligi
- Gazli, Sho‘rtan hamda Muborak neft va gaz qazib chiqarish boshqarmalaridagi 64 ta kon faoliyatini vaqtincha to‘xtatdi
Izoh (0)