Davlat xavfsizlik xizmatining Farg‘ona viloyati bo‘yicha boshqarmasi xodimlari tomonidan O‘zbekistonga tovar-moddiy boyliklarning noqonuniy olib kirilishiga qarshi tezkor tadbir o‘tkazildi.
Tadbir davomida Farg‘ona tumanida istiqomat qiluvchi fuqaro Q.U.ning (1977-yilda tug‘ilgan) O‘zbekiston—Qirg‘iziston davlat chegarasi hududida joylashgan yashash xonadoni ko‘zdan kechirilganda, xufiyona joyga yashirib qo‘yilgan va tegishli hujjatlari bo‘lmagan 436 dona Redmi Note 10s uyali telefon apparatlari borligi aniqlangan va protsessual tartibda rasmiylashtirib olingan.
Tergovga qadar tekshiruv davomida Q.U. umumiy qiymati qariyb 935 million so‘mni tashkil etuvchi mazkur telefon apparatlarini kelgusida sotish maqsadida Qirg‘iziston fuqarosidan olgani ma’lum bo‘lgan.
Hozirda Q.U.ga nisbatan Jinoyat kodeksining 182-moddasi (bojxona to‘g‘risidagi qonunchilikni buzish) bilan jinoyat ishi qo‘zg‘atilib, tergov harakatlari olib borilmoqda.
Avvalroq DXX Namangan, Farg‘ona va Toshkent viloyatlarida 2,4 mlrd so‘mlik noqonuniy tovarlar kontrabandasiga chek qo‘ygani, farg‘onalik fuqaro xonadonida qiymati 60 million so‘m bo‘lgan 355 dona telefon noqonuniy saqlab kelinayotgani aniqlangani to‘g‘risida xabar berilgandi.
Mavzuga doir:
- DXX Surxondaryoda 115 kilodan ortiq giyohvand moddalarning noqonuniy muomalasiga chek qo‘ydi
- DXX Jizzax, Andijon va Toshkent viloyatlarida giyohvand moddalar savdosi bilan shug‘ullangan bir necha xorij fuqarolarini qo‘lga oldi
- Samarqandda DXX 1700 dona psixotrop dori vositasini 2 ming dollarga sotmoqchi bo‘lgan shaxslarni qo‘lga oldi
Izoh (0)