Давлат хавфсизлик хизматининг Фарғона вилояти бўйича бошқармаси ходимлари томонидан Ўзбекистонга товар-моддий бойликларнинг ноқонуний олиб кирилишига қарши тезкор тадбир ўтказилди.
Тадбир давомида Фарғона туманида истиқомат қилувчи фуқаро Қ.У.нинг (1977 йилда туғилган) Ўзбекистон—Қирғизистон давлат чегараси ҳудудида жойлашган яшаш хонадони кўздан кечирилганда, хуфиёна жойга яшириб қўйилган ва тегишли ҳужжатлари бўлмаган 436 дона Redmi Note 10s уяли телефон аппаратлари борлиги аниқланган ва процессуал тартибда расмийлаштириб олинган.
Терговга қадар текширув давомида Қ.У. умумий қиймати қарийб 935 миллион сўмни ташкил этувчи мазкур телефон аппаратларини келгусида сотиш мақсадида Қирғизистон фуқаросидан олгани маълум бўлган.
Ҳозирда Қ.У.га нисбатан Жиноят кодексининг 182-моддаси (божхона тўғрисидаги қонунчиликни бузиш) билан жиноят иши қўзғатилиб, тергов ҳаракатлари олиб борилмоқда.
Аввалроқ ДХХ Наманган, Фарғона ва Тошкент вилоятларида 2,4 млрд сўмлик ноқонуний товарлар контрабандасига чек қўйгани, фарғоналик фуқаро хонадонида қиймати 60 миллион сўм бўлган 355 дона телефон ноқонуний сақлаб келинаётгани аниқлангани тўғрисида хабар берилганди.
Мавзуга доир:
- ДХХ Сурхондарёда 115 килодан ортиқ гиёҳванд моддаларнинг ноқонуний муомаласига чек қўйди
- ДХХ Жиззах, Андижон ва Тошкент вилоятларида гиёҳванд моддалар савдоси билан шуғулланган бир неча хориж фуқароларини қўлга олди
- Самарқандда ДХХ 1700 дона психотроп дори воситасини 2 минг долларга сотмоқчи бўлган шахсларни қўлга олди
Изоҳ (0)