Toshkentda fuqaro pnevmatik qurol bilan mashinaga o‘q uzgani haqida xabar berilgandi. Shahar IIBB axborot xizmatining ma’lum qilishicha, huquqbuzarlik yuzasidan sud bo‘lib o‘tgan.
Qayd etilishicha, fuqaro S.Z. qo‘llagan pistolet sport pnevmatik quroli ekani aniqlangan. Qurol to‘g‘risidagi qonunga ko‘ra, mazkur qurolni faqatgina sport maydonchalarida qo‘llashga ruxsat etilgan.
Sudda ayblanuvchilar o‘zining qilmishidan pushaymon ekanini aytib, uzr so‘ragan. Jamiyatda yurish-turish qoidalarini buzgani uchun S.Z va u bilan janjallashgan G.A.ga nisbatan sud hukmi o‘qib eshittirildi.
Unga ko‘ra, S.Z. va G.A.ga Ma’muriy javobgarlik to‘g‘risidagi kodeksning 183-moddasiga (mayda bezorilik) binoan 15 sutkaga ma’muriy qamoq jazosi tayinlandi, bundan tashqari, ayblanuvchi S.Z.ga BHMning 5 barobari miqdorida jarima to‘lash majburiyati yuklatildi.
Mavzuga doir:
- Sirdaryoda Yangi yil kuni “ognetushitel” portlatgan yigit 15 sutkaga qamaldi (video)
- Buxoroda YPX xodimlariga qarshilik ko‘rsatgan haydovchi 15 sutkaga qamaldi, uning o‘g‘liga esa jarima belgilandi
- Qarshida bir guruh yigitlar ishtirokida ommaviy janjal yuz berdi. Ulardan biri 19 yoshli yigitni pnevmatik to‘pponchadan yaraladi
Izoh (0)