Тошкентда фуқаро пневматик қурол билан машинага ўқ узгани ҳақида хабар берилганди. Шаҳар ИИББ ахборот хизматининг маълум қилишича, ҳуқуқбузарлик юзасидан суд бўлиб ўтган.
Қайд этилишича, фуқаро С.З. қўллаган пистолет спорт пневматик қуроли экани аниқланган. Қурол тўғрисидаги қонунга кўра, мазкур қуролни фақатгина спорт майдончаларида қўллашга рухсат этилган.
Судда айбланувчилар ўзининг қилмишидан пушаймон эканини айтиб, узр сўраган. Жамиятда юриш-туриш қоидаларини бузгани учун С.З ва у билан жанжаллашган Г.А.га нисбатан суд ҳукми ўқиб эшиттирилди.
Унга кўра, С.З. ва Г.А.га Маъмурий жавобгарлик тўғрисидаги кодекснинг 183-моддасига (майда безорилик) биноан 15 суткага маъмурий қамоқ жазоси тайинланди, бундан ташқари, айбланувчи С.З.га БҲМнинг 5 баробари миқдорида жарима тўлаш мажбурияти юклатилди.
Мавзуга доир:
- Сирдарёда Янги йил куни «огнетушител» портлатган йигит 15 суткага қамалди (видео)
- Бухорода ЙПХ ходимларига қаршилик кўрсатган ҳайдовчи 15 суткага қамалди, унинг ўғлига эса жарима белгиланди
- Қаршида бир гуруҳ йигитлар иштирокида оммавий жанжал юз берди. Улардан бири 19 ёшли йигитни пневматик тўппончадан яралади
Изоҳ (0)