Япония соҳилларида эрта тонгда огоҳлантириш берилганидан бир неча дақиқа ўтгач, цунами ҳамда вулқон отилиши каби табиий офатлар юз берди. Мамлакатда 3 метр баландликкача цунами хавфи эълон қилинган, шунингдек, Курил оролларида ҳам Тонга вулқони отилганидан кейин фавқулодда огоҳлантириш берилган. Бу ҳақда «Коммерсантъ» хабар берди.
Тинч океанидаги Япониянинг Амами ҳамда Токара оролларида ҳам фавқулодда хавф ҳақида огоҳлантириш эълон қилинган.
Мазкур оролларда 1,2 метр баландликдаги цунами кузатилган, сув сатҳи айрим жойларда 3 метр баландликкача кўтарилган. Цунами тўлқинлари Хоккайдо ороли соҳилларидан Окинавагача етиб борган, дейилади The Japan Times хабарида.
Шунингдек, цунами хавфи ҳақида Япониядан ташқари АҚШнинг Аляска, Вашингтон, Калифорния, Орегон ва Гавайи штатларида ҳам АҚШ цунамидан огоҳлантириш миллий маркази томонидан хабарнома берилган.
Цунами хавфи ҳақида Курил оролларида огоҳлантириш берилган, дея хабар қилган «РИА Новости». Сахалин ороли фавқулодда вазиятлар хизмати вакили тўлқинлар баландлиги 2 метрдан ошмаслигини маълум қилган.
Цунамининг аҳоли ҳамда ҳудудга хавф солмаслиги айтилган. Қутқарувчилар иккита портни Жанубий Курил ҳамда Курил шаҳри округларига тегишли ахборотни етказган.
Изоҳ (0)